VOV4.K’ho – Pơn jat tai dơ\ lơh broă tàm ală càr Tây Nguyên, mho òr (21/8), mpồl lơh broă bơh Bộ Giao thông Vận tải dê bơh Bộ trưởng Nguyễn Văn Thể lơh kuang atbồ mpồl neh geh dơ\ lơh broă mờ UBND càr Daklak bè atbồ gùng lòt pơndiang phan, bơcri priă bơtàu tơnguh phan bơna gùng lòt tàm càr.

Tàm dơ\ lơh broă, càr Daklak dan mờ Bộ Giao thông Vận tải rơndap ai tơl priă bơcri ai rơndap broă lơh gùng Hồ Chí Minh (gơl gùng pleh thị xã Buôn Hồ - kơnhoàl Cư Mgar); mhar geh broă rơndap lơh ki\ priă bơcri, dong càr bơsong, lơh niam wơl ờ uă gơl gùng càr. Bal mờ hơ\, càr Daklak kung dan mờ Bộ Giao thông Vận tải geh broă rơndap lơh yal Chính phủ, Quốc hội in ki\ rơndap broă lơh gùng rơndeh ồs, gơl tơrbo\ kơnhoàl Tuy Hoà, càr Phú Yên mờ [òn dờng Buôn Ma Thuột; lơh niam [làng rơndeh par Buôn Ma Thuột gơ gơs là [làng rơndeh par dunia, ai tơl priă bơcri nàng lơh jơh ală gùng rơndeh 14C, 19C, 29C, tơrbo\ Daklak mờ ală càr Tây Nguyên, Bình Phước mờ Phú Yên.

 Bộ trưởng Nguyễn Văn Thể pà git, geh cih dờp ală jơnau dan bơh càr dê, mờ geh bơsong ală tơngume gơ wèt gơ noar Bộ dê. Gam wơl, Bộ geh lơh ală rơndap broă, jơnau dan Chính phủ, Quốc hội nàng sền sơwì bơsong.