VOV4.K’ho- Tàm Hà Nội, Đại tướng Tô Lâm, Ủy viên Bộ Chính trị, Bộ trưởng Bộ Kuang àng wă Bộ trưởng Ngoại giao mờ là Bộ trưởng cau ùr lơgar Australia mò Marise Payne gam geh dơ̆ lòt còp mờ lơh broă tàm lơgar Việt Nam.

Tàm dơ̆ wă, Bộ trưởng Tô Lâm đơs loh, mờ bơta dong kờl bơh Bộ Ngoại giao Australia dê, git gơp lơh broă bal đah Bộ Kuang àng Việt Nam mờ ală anih lơh broă lơh jat adat boh lam lơgar Australia neh hời rơhời geh tơnguh tàm ală gah rơcang sơndră cau tìs, atbồ cau lik, mut tàm lơgar ndai, tàm dong kờl sền gàr adat boh lam... 2 gah kung sùm ai ală mpồl tàm lùp bè broă atbồ cau lik, mut tàm lơgar, pơgồp bal đal git jơnau yal, kơryan ală mpồl lam cau ntrờn tiah ơm kis tìs mờ adat boh lam, mblàng yal rơcang sơndră ntrờn tiah kis tìs adat boh lam...

Nàng tơnguh rlau tai git gơp lơh broă bal đah 2 lơgar đơs bal, đah Bộ Kuang àng Việt Nam mờ ală mpồl lơh broă bal lơgar Australia đơs is, Bộ trưởng Tô Lâm sồr 2 gah pơn jat tai sơlơ tơnguh lơh broă bal bè kă bro, bơcri priă, kờñ dong kờl bal mờ gơp bơtàu tơnguh wơl kơ̆ kơljap tơnơ̆ kòp dờng Covid-19; sơlơ lơh broă bal, pơn jat tai lam lơh geh cồng nha Broă lam lơh git gơp lơh broă bal kuơmàng đah Việt Nam mờ Australia tơngai bơh nam 2020 tus nam 2023..

Cau mblàng K’Duẩn