VOV4.K’ho- Mho ngai 05/01, Ƀộ trưởng Ƀộ Kwang àng ồng Tô Lâm neh lam bồ Mpồl kwang bàng ala măt Ƀộ Kwang àng Việt Nam tus bal Pơrjum Ƀộ trưởng bè lơh broă bal rơcăng sơndră cau lơh tìs dơ̆ pe bơh broă lơh pờ tơlik tơn tàm internet đah 03 lơgar Việt Nam- Lào mờ Campuchia.

Tàm pơrjum, Ƀộ trưởng Ƀộ Kwang àng ồng Tô Lâm ring bal nùs nhơm gĭt nền lơh broă bal sền gàr dà lơgar- lơngăp lơngai là “broă tờm” tàm bơta gĭt gơ̆p đah 03 lơgar, đơs nền mờ lơh jăt bơta pal jăt ờ ai gơnoar, khăt mpồl cau lơh ngui ù tiah bơh lơgar do dê nàng tam dră lơh aniai mờ ƀư tê tàm broă lơh dơlam is lơgar ne dê. Tơn jơh pơrjum, ală Ƀộ trưởng neh kĭ Jơnau ring bal bal Pơrjum Ƀộ trưởng Việt Nam- Lào mờ Campuchia bè lơh broă bal rơcăng sơndră cau lơh tìs dơ̆ pe. Tàm hơ̆ đơs nền wơl jơnau hơ pơrgon sơlơ lơh broă bal sền gàr lơngăp lơngai đah 2 lơgar mờ 3 lơgar dipal mờ tơngume cih tàm Broă rơndăp lơh lơh broă bal đah 2 lơgar pah nam neh kĭ rềp ndo mờ Sră nggal lơh broă bal bàr gah đah pe Ƀộ.

Cau mblàng Lơ Mu K’Yến