VOV4.K’ho- Tàm Hìu duh broă Chính phủ dê, Thủ tướng Nguyễn Xuân Phúc wa\ rò Bộ trưởng Bộ Ngoại giao lơgar Lào, Xạ-lởm-xay Côm- mạ-xít mờ Mpồl kuang bàng ala mat Bộ Ngoại giao lơgar Lào tus lùp lăp dong pơlam pah nam đah Bộ trưởng Bộ Ngoại giao mờ tìp mat đah 2 Bộ Ngoại giao Việt Nam mờ Lào.

Thủ tướng Nguyễn Xuân Phúc đơs uă, gi\t gơ\p đah 2 lơgar sùm geh bơtàu tơnguh, kơ\ kơl jăp, geh bơ\t bơtàu bơh uă rơnàng cau. Den tàng bè hơ\, kơnòl bơh ală rơnàng kơnòm să bơh 2 lơgar dê là bơta đòm jat, sền gàr mờ lơh niam rlau tai bơta gi\t gơ\p ờs mờng bơh yau, tam klac bal uă ngan đah Việt Nam mờ Lào. Thủ tướng Nguyễn Xuân Phúc đơs ngan, Đảng mờ Dà lơgar bal mờ làng bol Việt Nam sùm sền cồng nha lơh geh bơh lơgar Lào dê là cồng nha lơh geh bơh lơgar Việt Nam dê.

Lài mờ hơ\, Phó Thủ tướng, Bộ trưởng Ngoại giao, ồng Phạm Bình Minh neh bal mờ Bộ trưởng Ngoại giao Lao, Xạ-lởm-xay Côm-ma-xít (Saleumxay Kommasith) đơng lam bal dơ\ cribơyai kơnă Bộ trưởng Ngoại giao Việt Nam – Lào dơ\ 4 tàm Hà Nội.

Tàm dơ\ cribơyai, 2 nă Bộ trưởng đơs tờm, geh đơng lam Bộ Ngoại giao 2 lơgar pơn jat tai pơgồp bal sồr ală gah, sơnah lơh broă lơh jat niam ală jơnau ring bal dờng màng; pơn jat tai pơgồp bal krà` cê tàm ală dơ\ cribơyai tàm tiah do mờ tàm dunia; rơcang lài mờ jơh nùs tam pà jơnau tơnggit, cribơyai broă lơh mờ pơgồp bal nùs nhơm cribơyai tàm jơh ală gah lơh broă đah 2 lơgar, uă lơgar mờ ală kơnă, pơgồp bơnah sơlơ tơrbo\ kơ\ git gơp lơh broă bal đah 2 lơgar tàm gah lơh broă cribơyai mờ lơgar ndai. 2 gah kung cribơyai bè broă lơh mờ lơgar ndai bơh tơl lơgar dê, ală broă tàm tiah do mờ tàm dunia 2 lơgar sền gròi bal.

Cau cih mờ yal tơngit- Lơ Mu K’ Yến mờ K’Duẩn