VOV4.K’ho- Mpồl lơh broă bơh Bộ Nông nghiệp mờ Phát triển nông thôn bơh ồng Nguyễn Xuân Cường, Bộ trưởng Bộ Nông nghiệp mờ Phát triển nông thôn lam bồ neh lòt còp mờ lơh broă mờ càr Gialai bè bơtàu tơnguh lơh broă sa sươn sre tàm càr.

Ồng Nguyễn Xuân Cường, Bộ trưởng Bộ Nông nghiệp mờ Phát triển nông thôn pin dờn gah lơh broă sa sươn sre Tây Nguyên geh bơtàu mhar ngan.

Mpồl lơh broă bơh Bộ trưởng dê neh lòt còp Trung tâm sơntìl phan ròng, broă lơh biăp, kơphê, tiêu jat tơl khà VietGap tàm càr Gialai; cribơyai mờ làng bol bal mờ mpồl lơh sa kă bro bè gùng dà lơh sa, kă bro, wèt tus bơtàu tơnguh rề ơnàng lơh uă ală phan bơna VietGap mờ yal bàr pe gùng dà broă lơh, công nghệ jak chài pa gơtùi ngui tàm broă lơh sa.

Ồng Nguyễn Xuân Cường, Bộ trưởng Bộ Nông nghiệp mờ Phát triển nông thôn lòt còp broă lơh sa sươn sre công nghệ cao tàm Gialai.

Bè rơndăp tăp sèng lơh broă sa sươn sre, ồng Nguyễn Xuân Cường đơs là, Gialai geh bơta pràn uă ngan tàm bơtàu tơnguh ròng phan, mơya gah do kung gam lơyaì bơtàu tơnguh sơl, ờ ndrờm bal uă ngan pơndrờm mờ tam phan. Den tàng bè hơ\, càr kờ` pal sền gròi rơndăp tăp sèng wơl gah ròng phan jat gùng dà tơrgùm lơh pràn ròng uă phan puan jơng.

Ồng Nguyễn Xuân Cường, Bộ trưởng Bộ Nông nghiệp mờ Phát triển nông thôn lòt còp broă lơh sa sươn sre công nghệ cao tàm Gialai.

Di tàm dơ\ do, Bộ trưởng Bộ Nông nghiệp mờ Phát triển Nông thôn ồng Nguyễn Xuân Cường neh tus pơrjum sền dơ\ mu\t lơh rơndăp broă anih lơh biăp, plai chi DOVECO tàm kơnhoàl Mang Yang, càr Gia Lai. Do là rơndăp broă lơh dờng ngan lơgar Việt Nam dê.

Sơnđờm lơh Hìu măy lơh biăp plai chi dờng ngan rlau jơh Việt Nam.

Rơndăp broă lơh do geh công ty Cổ phần phan sa tăc mờ lơgar bơdìh Đồng Dao lơh, geh bal tàm mpồl công nghiệp mờ tiểu thủ công nghiệp kơnhoàl Mang Yang. Rơndăp broă lơh do geh bă ù ơnàng mờr 6 lồ, geh ală giáo sư jăk chài lơgar Nhờk mờ lơgar Italia bơto pơlam lơh.

Rơndăp broă lơh do geh mpồl 3 hìu măy geh phan lơh broă bal mờ công nghệ pa ngan tu\ do. Rơndăp broă do lơh gơs geh là 1 anih lơh biăp, plai chi pơrgùm bal, tàm hơ\ geh broă pơgồp bal tơnguh bơtàu lơh sa, blơi biăp lơh, lơh gơs phan ngui sa mờ kă bro phan tàm lơgar mờ pờ ơnàng broă tăc mờ lơgar bơdìh.

Cau cih mờ yal tơngi\t- Lơ Mu K’Yến mờ Ndong Brawl