VOV4.K’ho- Dờp jơnau jà bơh Đại tướng ồng Phan Văn Giang - Ủy viên Bộ Chính trị, Bộ trưởng Bộ Quốc phòng Việt Nam, ồng Kishi Nobuo - Bộ trưởng Bộ Quốc phòng Nhờk neh còp ngan ngồn Việt Nam bơh ngai 10 tus ngai 12/9.

Bàr Bộ trưởng bal mờ mpồl kuang bàng kấp dờng màng cùp rùp bal

Bàr Bộ trưởng  neh lơh dơ̆ tìp mat cribơyai, sền sơ wì bơta gĭt gơ̆p sền gàr dà lơgar tàm tơngai pa do, cribơyai bè bơta tàm dunia mờ tàm tiah do geh sền gròi bal. Tàm hơ̆, geh bơta kuơ màng bơh khat gơ boh gùng dà lềng mờ gùng rơndeh par tềng đap ală bơta gơlik geh kal ke tàm tiah do dê. Bàr gah đơs ngan tai bơta kờñ pal geh bơh broă lơh jat adat boh lam dunia dê, tàm hơ̆ geh Công ước Liên hợp quốc bè Adat dà lềng nam 1982 (UNCLOS 1982); cribơyai bè bơta mờng chài rcang sơndră kòp Covid-19 bơh ling klàng 2 lơgar dê. Tàm tơngai bơtàu tơnguh pa bơh bơta gĭt gơ̆p lơh broă bal sền gàr dà lơgar đah Việt Nam mờ Nhờk, 2 gah đơs sùm geh lơh ngan sơlơ tơnguh ală broă lơh broă bal, ngan là ală broă lơh tìp mat lơh kuèng kuang bàng kấp dờng màng mờ lơh broă bal uă lơgar, nàng kờñ tă pơgồp uă ngan ai bơta ring lơngai mờ kơ̆ kơljap, bơtàu tơnguh tàm tiah do mờ tàm dunia.

Cau mblàng K’Hạnh