VOV4.K’ho- Ngai 08/6, Bộ trưởng Bộ Y tế ồng Nguyễn Thanh Long neh geh 3 dơ̆ lơh broă is mờ ală Đại sứ bơh ală lơgar Australia, Tây mờ Thụy Sĩ tàm Việt Nam bè lơh broă bal tàm broă lơh rơcang sơndră kòp Covid-19, kuơmàng là broă dong kờl nàng Việt Nam geh blơi ală sơnơm vaccine rơcang sơndră kòp Covid-19. Bộ trưởng kơp kờñ ală lơgar Australia, Tây mờ Thụy Sĩ pơn jat tai geh ală bơta sền gròi nàng Việt Nam in geh blơi uă rlau tai sơnơm vaccine rơcang sơndră kòp Covid-19.

Mò Mobyn Mudie, Đại sứ lơgar Australia tàm lơgar Việt Nam pà git, Chính phủ Australia neh tă 130 tơlak dolar Australia bơh broă lơh COVAX. Mìng is gơ wèt mờ lơgar Việt Nam, kờp jơh priă dong kờl broă lơh sơnơm vaccine bơh lơgar Australia dê ai lơgar Việt Nam in là 40 tơlak dolar Australia nàng blơi sơnơm vaccine rơcang sơndră kòp Covid-19.

Cau mblàng K’Duẩn