VOV4.K’ho- Di dơ̆ tơngkah kir sơnrai 96 nam ngai Sră băo Kăc màng Việt nam 21/6, ồng Nguyễn Thanh Long - Bộ trưởng Bộ Y tế neh geh sră pơyoa gờm chờ ală anih lơh băo.  GS.TS ồng Nguyễn Thanh Long - Bộ trưởng Bộ Y tế đơs ngan: ală anih lơh băo neh lòt bal mờ Bộ Y tế tàm broă lơh đơng lam, gùng dà, pơgồp bơnah dong mpồl bơtiàn gĭt loh mờ lơh geh bơta ring bal bơh mpồl bơtiàn dê gơwèt mờ gah lơh sơnơm.

Tàm sră pơyoa, ala mat gah lơh sơnơm, Bộ trưởng Bộ Y tế ồng Nguyễn Thanh Long pơyoa tus jơh gùt ală anih lơh băo, mpồl ală cau lơh băo tàm gùt lơgar jơnau gờm chờ niam bơnĕ ngan rlau jơh. Kuơ màng, tàm dơ̆ rcang sơndră kòp Covid-19, uă cau lơh băo neh tus bal, rcang lòt lài lơh broă tàm “tiah geh kòp” di tŭ geh mat tàm ală “ tiah kòp bơtờp uă”, cih yal tơl làm ală bơta lơh ngan bơh Đảng, Chính phủ mờ gùt mpồl bơtiàn nàng kờñ jai pha kòp, lơh sir kơnòl broă dờng màng bơh cau lơh băo dê.

Cau mblàng K’Hạnh