VOV4.K’ho- Tàm dơ̆ lơh broă ngai 26/4, Mpồl lơh broă bơh Bộ Y tế bơh Bộ trưởng ồng Nguyễn Thanh Long lam bồ neh geh dơ̆ lơh broă bè broă lơh rcang sơn dră kòp Covid-19 mờ broă lơh sơnơm tàm ală mpồl lơh sơnơm kơnă dà lơgar tàm ù tiah ƀòn dờng Cần Thơ dê, Bộ trưởng Nguyễn Thanh Long sồr Hìu sơnơm dờng Dà lơgar Cần Thơ pơgồp bal mờ ală tiah, Hìu bơsram Y dược Cần Thơ, sơrbac mhar lơh sir hìu sơnơm ing kơnă dà lơgar tàm Cần Thơ.

Hìu sơnơm dờng dà lơgar Cần Thơ geh jàu lơh hìu sơnơm bơh sơnrờp nàng dong kờl mpồl cau, phan bơna lơh sơnơm, măy tă nhơm... ai hìu sơnơm ing in. Hìu sơnơm do pal là hìu sơnơm kơnă lồi dŭt, dờp sơm kòp ală cau kòp Covid-19 kơn jơ̆ in, dong kờl dờp cau kòp bơh ală càr tàm tiah do dê.  Bơta ơnàng bơcri lơh 400 jơnờng piam kòp, mơya rcang lài tơnguh 800 jơnờng tŭ geh jơnau sồr.

Cau mblàng K’ Hạnh