VOV4.K’ho - Mho òr (13/08), Bộ trưởng Ngoại giao ồng Bùi Thanh Sơn neh cri bơyai pờ tơlĭk tàm internet mờ mò Armida Salsiah Alisjahbana, Phó Tổng thư ký Liên hợp quốc mờ kung là Thư ký đơng lam Ủy ban Lơh sa mpồl bơtiàn tiah châu Á-Thái Bình Dương bơh Liên hợp quốc (ESCAP) dê.

Tàm dơ̆ cri bơyai, Bộ trưởng ồng Bùi Thanh Sơn đơs lơgar Việt Nam sền kuơ broă lơh gĭt gơ̆p, lơh broă bal niam bơnĕ mờ ESCAP mờ đơs niam gơnoar bơh ESCAP geh Liên hợp quốc jào là chồl pràn broă tơnguh bơtàu lơh sa mpồl bơtiàn kơl jăp mờ tơrgùm bal tàm tiah châu Á-Thái Bình Dương. Bộ trưởng ồng Bùi Thanh Sơn đơs lơgar Việt Nam geh pơgồp bal nền nòn mờ ESCAP nàng lơh jăt Nghị quyết do. Bộ trưởng Ngoại giao ồng Bùi Thanh Sơn hòi jà ESCAP pơn jăt tai dong kờl lơgar Việt Nam tàm bơta kòp Covid-19 gơtìp wơl, tàm hơ̆ uă ngan là bơh broă kơlôi sơnơng sền wơl mờ bơto pơlam bè ală broă rơcang sơndră bơh tiah do dê gơwèt mờ broă ờ geh dong kờl mờ tơmù hoàc huơr broă lơh sa mpồl bơtiàn bơh kòp gơtờp, brồ guh tơlir mờ kơl jăp.

Cau mblàng Ndong Brawl