VOV4.K’ho - Tàm hìu lơh broă Bộ Ngoại giao, Bộ trưởng Ngoại giao ồng Bùi Thanh Sơn neh cri bơyai tàm điện thoại mờ Bí thư Đảng ủy tiah atbồ is kòn cau Choang càr Quảng Tây, lơgar Lo ồng Lộc Tâm Xã.

Tàm dơ̆ cri bơyai tàm điện thoại, Bộ trưởng ồng Bùi Thanh Sơn đơs, Đảng, Dà lơgar bal mờ làng bol lơgar Việt Nam lài mờ tơnơ̆ kung ndrờm bal, sùm sền kuơ broă tơnguh bơtàu broă lơh git gơ̆p rềp bal, lơh broă bal jŏ jòng tơl ală bơta đah lơgar Việt Nam mờ lơgar Lo, tàm hơ̆ sùm kờñ bal Bộ, gah lơh broă dà lơgar, ală càr, ƀòn dờng lơgar Việt Nam tơnguh broă lơh git gơ̆p mờ càr Quảng Tây. Bè broă lơh tàm tơngai tus, Bộ trưởng ồng Bùi Thanh Sơn hòi jà bàr gah geh sùm broă cri bơyai, tìp bal tàm ală cấp mờ uă broă lơh ndrờm bal; tơnguh broă tam pà bal jơnau tơngit, broă lơh gơrềng bal tus mờ broă rơcang sơndră mờ kòp gơtờp, pơgồp bal tàm broă rơcang sơndră mờ kòp tàm tiah nhàr dà lơgar; ngui ală broă lơh geh cồng nha nàng geh sùm bơta pràn gơguh broă lơh sa-kă bro, ai geh bơta ƀuơn nàng phan kă bro lơgar Việt Nam mŭt tàm lơgar Lo.

Cau mblàng Ndong Brawl