VOV4.K’ho- Bộ trưởng Ngoại giao ồng Bùi Thanh Sơn neh cribơyai tàm điện thoại mờ Bộ trưởng Ngoại giao Singapore ồng Vivian Balakrishnan. Bộ trưởng Bùi Thanh Sơn đơs niam bơta dong kờl bơh lơgar Singapore dê lời ai lơgar Việt Nam in, kuơmàng là jơnau hơ pơrgon dong kờl ală phan bơna, măi mok lơh sơnơm pal geh nàng rơcang sơndră kòp Covid-19, tàm hơ̆ geh broă kes priă Temasek bơh lơgar Singapore dê neh jàu pà lơgar Việt Nam in 16 nơm măi tă nhơm mờ git nđờ rhiang rbô nơm phan sền gàr lơh sơnơm; sền do là tềl tơnggŏ niam ngan ai git gơp lơh bơyô đềt mềr mờ lơh broă bal jŏ jòng đah 2 lơgar. Cribơyai bè git gơp 2 lơgar, 2 Bộ trưởng ring bal tơnguh rlau tai ală gah lơh broă bal chính trị, lơh sa, kă bro, bơcri priă, bơto bơtê mờ bơsram nàng ngai sơlơ gàr kơ̆ mờ bơtàu tơnguh git gơp lơh broă bal jŏ jòng Việt Nam- Singapore.

Cau mblàng K’Duẩn