VOV4.K’ho- Mho ngai 19/5, Bộ trưởng Ngoại giao ồng Bùi Thanh Sơn neh cribơyai tàm điện thoại mờ Phó Thủ tướng, Bộ trưởng Ngoại giao Thái Lan ồng Don Pramudwinai. 2 nă Bộ trưởng ring bal pơgồp bal jơh nùs, chul chồl lam lơh niam ală broă lơh tơngkah 45 nam ngai crơng gơs git gơp lơh broă bal Việt Nam- Thái Lan, pơn jat tai tơnguh broă cribơyai mpồl kuang bàng dờng màng mờ ală kấp tàm tŭ tơngai dipal, lam lơh jat geh cồng nha ală cơ chế lơh broă bal 2 lơgar, tàm hơ̆ geh pơrjum Chính phủ bal dơ̆ 4 bơh Thủ tướng 2 lơgar đơng lam bal, Ủy ban lơh broă bal bè lơh broă bal 2 lơgar dơ̆ 4 kấp Bộ trưởng Ngoại giao, lùp lap broă Chính trị dơ̆ 8 kấp Thứ trưởng Ngoại giao.

2 nă Bộ trưởng ring bal mhar kĭ broă lơh lam lơh git gơp lơh broă bal kuơmàng sơlơ bơtàu tơnguh tơngai bơh nam 2021 tus nam 2025; lam lơh ală broă lơh tơnguh kă bro, pơgồp bơnah chồl pràn bơtàu tơnguh wơl lơh sa tơnơ̆ kòp dờng, lơh ngan tơnguh priă lơh geh bơh kă bro 2 lơgar mhar geh 25 tơmàn dolar Mỹ; lơh broă bal sơndră kòp dờng mờ ngui sơnơm vaccine ờdo ờdă, geh cồng nha.

Cau mblàng K’Duẩn