VOV4.K’ho - Dờp jơnau jà bơh Đại tướng Phan Văn Giang, Bộ trưởng Quốc phòng lơgar he, Mpồl kuang bàng ala măt ling klàng dờng màng lơgar Anh mờ đah tô Ai-len geh ồng Robert Ben Lobban Wallace, Bộ trưởng Quốc phòng lam bồ mpồl kuang bàng tus còp mùl màl lơgar Việt Nam bơh ngai 21 tus 23 nhai 07 nam 2021.

         Dơ̆ wă Bộ trưởng Quốc phòng lơgar Anh mờ đah tô Ai-len geh ồng Robert Ben Lobban Wallace

 Drim òr (22/07), tàm hìu lơh broă Bộ Quốc phòng, Đại tướng Phan Văn Giang, Ủy viên Bộ Chính trị, Phó Bí thư Quân ủy Dà lơgar, Bộ trưởng Bộ Quốc phòng đơng lam dơ̆ wă mờ cri bơyai mờ ồng Robert Ben Lobban Wallace bal mờ ală kuang bàng tàm mpồl. tàm dơ̆ cri bơyai, Bộ trưởng Bộ Quốc phòng lơgar Anh mờ đah tô Ai-len tam pà bal mờ lơgar Việt Nam tàm broă bơsong bơta tàm dà lềng đah măt tơngai lĭk, mờ đơs tờm tus mờ bơta kuơ màng bơh broă khăt gơboh gùng lòt tàm dà lềng, gùng par, kờñ bal mờ broă gĭt jơnau bal tàm adăt boh lam, đơs uă tus mờ ală jơnau ờ ring bal pal geh bơsong mờ broă lơh ring lơngai, ai bơh tàm adăt boh lam dunia dê. Ring bal jơnau đơs, tàm tơngai do broă lơh gĭt gơ̆p, lơh broă bal đah bàr lơgar neh geh gơguh tus dùl khà pa, mờ uă cồng nha tàm ală gah broă chính trị, lơh sa, kă bro, bơta chài rơgơi, bơto bơtê mờ bơsram.

Cau mblàng Ndong Brawl