VOV4.K’ho- Đại tướng Phan Văn Giang, Ủy viên Bộ Chính trị, Bộ trưởng Bộ Quốc phòng wă ồng Park Jae Min, Thứ trưởng Bộ Quốc phòng Hàn Quốc tàm dơ̆ mpồl kuang bàng dờng màng lơgar do lòt tus Việt Nam tus bal Cribơyai broă lơh sền gàr dà lơgar Việt Nam- Hàn Quốc dơ̆ 9.

Đại tướng Phan Văn Giang đơs nền, tàm mờr 30 nam do, kờp bơh tŭ crơng gơs git gơp lơh broă bal, ngan là tŭ crơng gơs git gơp lơh broă bal jŏ jòng, git gơp lơh broă bal lơh bơyô Việt Nam- Hàn Quốc bơtàu tơnguh ngai sơlơ pràn kơldang, jrô ơnàng mờ ngan ngồn. Kuơmàng là lơh sa, kă bro mờ bơcri priă, pơgồp bơnah bơtàu tơnguh lơh sa- mpồl bơtiàn, sơlơ tơnguh bơta tàm git gơp bal mờ gơp mờ git gơp lơh bơyô đah làng bol mờ ling klàng 2 lơgar.

Đơs niam cồng nha dơ̆ Cribơyai broă lơh sền gàr dà lơgar Việt Nam- Hàn Quốc dơ̆ 9 mờ ală broă lơh ngan, cồng nha lơh broă bal bơh Bộ Quốc phòng 2 lơgar dê tơngai lài, Bộ trưởng Phan Văn Giang kơp kờñ tơngai tus, 2 gah pơn jat tai sơlơ tơnguh rlau tai git gơp lơh broă bal geh cồng nha mờ ngan ngồn tàm uă gah broă lơh.

Cau mblàng K’Duẩn