VOV4.K’ho- Tàm Hà Nội, Đại tướng Tô Lâm, Bộ trưởng Bộ Kuang àng neh geh dơ̆ wă Đại sứ lơgar Mỹ tàm lơgar Việt Nam ồng Daniel Kritenbrink tus tơngăc di tơn jơh tơngai lơh broă tàm lơgar Việt Nam.

Bộ trưởng ồng Tô Lâm chờ gờm ồng Daniel Kritenbrink neh lơh gơs jăk chài kơnòl lơh broă tàm lơgar Việt Nam mờ geh Kuang atbồ lơgar Mỹ pồ lơh kuang dong broă Ngoại trưởng lơgar Mỹ drơng broă Đông Á – Thái Bình Dương. Bộ trưởng Tô Lâm ưn ngài Đại sứ ồng Daniel Kritenbrink mờ đơs, lơgar Việt Nam kơ̆p kờñ pơn jăt tai chồl pràn broă lơh gĭt gơ̆p lơh broă bal tơl ală bơta mờ lơgar Mỹ tàm tơngu me gĭt jơnau krơi is, gơnoar tòm, tơl ù tiah dà lơgar, tài bơta kuơ bơh làng bol bàr lơgar, pơgồp bal geh sùm bơta ring lơngai, ring niam, lơh broă bal mờ tơnguh bơtàu tàm tiah do mờ tàm dunia.

Bộ trưởng Tô Lâm kơ̆p kờñ, tơngai tus, lơgar Mỹ dong kờl làng bol lơgar Việt Nam geh sơnơm vaccine rơcang sơndră mờ kòp Covid-19; lơh broă bal mờ Chính phủ lơgar Việt Nam tàm broă tam jào công nghệ, lơh sơnơm vaccine.

Cau mblàng Ndong Brawl