VOV4.K’ho- Đơng lam pơrjum Mpồl đơng lam dà lơgar rcang sơndră kòp Covid-19 geh bơyai lơh mho ngai 21/5, tàm hìu lơh broă Chính phủ, ồng Vũ Đức Đam Phó Thủ tướng Chính phủ, Kuang atbồ Mpồl đơng lam dà lơgar sồr càr Bắc Giang atbồ niam ală công nhân tàm tiah ai ơm yah ngài mpồl bơtiàn, tơrmù tus khà lơyah ngan rlau jơh bơta bơtờp kòp uă tàm mpồl bơtiàn. Càr Bắc Giang kung gam là tiah kòp dờng ngan rlau jơh tŭ do dê.

Tŭ do geh rlau 12 rơbô nă cau lơh broă bơdìh càr gam ơm wơl tàm ală tiah ai ơm yah ngài mpồl bơtiàn bơh càr Bắc Giang dê. Tiah do neh crơng gơs Mpồl dong kờl rài kis ai ală công nhân do in. Broă pal sền gròi ngan tŭ do là lơh mbè lơi nàng dong kờl ală mpồl lơh sa kă bro gơwèt ală anih lơh broă bơh ală tập đoàn dờng bè Sam Sung gờñ lơh sa wơl tơnơ̆ dùl tơngai tiah lơh sa mờ măy mok ơm ing lơh broă nàng sơndră kòp. Phó Thủ tướng tơngkah ală càr, ƀòn dờng sền gròi niam tiah kòp pa mờ ală công nhân bơh tiah kòp rê.

Cau mblàng K’Hạnh