VOV4.K’ho- Kong ti Cổ phần vaccine Việt Nam (VNVC) pa pà git, kờp dŭ bơh nhai 7 tus do, pah poh geh 1 tơlak ding sơnơm vaccine AstraZeneca rê tus Việt Nam. Do là khà sơnơm vaccine gơ ơm tàm jơnau ring bal blơi 30 tơlak ding sơnơm vaccine bơh kong ti dê. VNVC là mpồl lài ngan jun rlau 176 rbô ding sơnơm vaccine rơcang sơndră kòp Covid-19 AstraZeneca rê hờ Việt Nam bơh lồi nhai 2. Jơh ală khà sơnơm vaccine do geh jun rê Bộ Y tế in nàng drơng broă lơh rơcang sơndră kòp jat broă lơh ờ geh priă cồng.

Kung gơ rềng tus sơnơm vaccine, geh bơta jàu gơnoar bơh Chính phủ dê, mho ngai 20/6 tàm ƀlàng rơndeh par dunia Nội Bài, Mpồl lơh broă mờ lơgar ndai dà lơgar, Bộ Ngoại giao mờ Bộ Y tế neh pơgồp bal mờ Đại sứ quán lơgar Lo tàm lơgar Việt Nam dờp 500 rbô ding sơnơm vaccine Vero-Cell bơh Sinopharm dê.

Cau mblàng K’Duẩn