VOV4.K’ho - Ngai òr (14/11), Kuang atbồ Ban Nội chính Dà lơgar ồng Phan Đình Trạc bal mờ mpồl kuang bàng lơh broă bơh Bộ Chính trị neh lơh broă mờ Ban Thường vụ Thành ủy Đà Nẵng yal cồng nha sền broă đơng lam, lam sồr broă kơlôi sơnơng, bơsram, lơh jăt, lam sồr, mùl màl jơh mờ lơh jăt Nghị quyết pơrjum dờng cau ala măt gùt lơgar dơ̆ 13 Đảng dê.

           Ồng Phan Đình Trạc, Kuang atbồ Ban Nội chính Dà lơgar geh jơnau đơs tàm dơ̆ lơh broă

Đơs tàm dơ̆ pơn dŭt pơrjum, ồng Phan Đình Trạc pơn jờng mờ đơs niam ală broă lơh ngan bơh Ban Thường vụ Thành ủy Đà Nẵng mờ ală cấp ủy Đảng geh sền tàm broă lơh jăt, bơsram, bơyai lơh jăt Nghị quyết pơrjum dờng dơ̆ 13 Đảng dê. Ồng Phan Đình Trạc sồr ƀòn dờng Đà Nẵng pal pơn jăt tai ai tơngŏ loh làng broă bơsram, lơh jăt Nghị quyết là broă lơh sùm, lơh tờm, geh lơh tàm jơh tơngai lơh broă; pơn jăt tai chồl pràn broă lam sồr, lơh niam Đảng.

Cau mblàng Ndong Brawl