VOV4.K’ho- Kờp bơh 12 jơ klo ngai ngai 06/8, ƀòn dờng Gia Nghĩa, càr Dak Nông tơn jơh broă ơm yah ngài mpồl bơtiàn jat Jơnau sồr sồ 16 bơh Thủ tướng Chính phủ dê, tam gơl gơs broă lơh jat Jơnau sồr sồ 15 nàng pơn jat tai rơcang sơndră kòp Covid-19. Tàm 14 ngai lơh jat kơrnuat wàng se, tam cah is, ƀòn dờng Gia Nghĩa ờ geh cau bơ tờp pa mờ virus Sars CoV-2 tàm mpồl bơtiàn. Làng bol tàm ală tiah geh cau kòp neh geh ai mẫu lơh xét nghiệm ndrờm ai cồng nha ờ bơtờp kòp.

Bulah bè hơ̆, tềng đap bơta kòp kung gam gơlik geh kal ke, jơnau pơhìn bơtờp kòp sùm gơlik geh, ƀòn dờng kung gam gàr bè ờs 5 anih gròi sền kòp tàm ală gơl gùng mut tàm tiah tàm gùl ƀòn dờng. Ală hìu tac phan ñô sa geh pờ mpồng wơl mơya mìng ai tac cèng rê. Ƀòn dờng pơn jat tai ơm jơh ală broă lơh chờ, pơrjum, ală broă tơrgùm rlau 20 nă cau tàm dùl cơldŭ. Bơdìh mờ anih lơh broă, hìu bơsram, hìu sơnơm ờ gŏ geh tơrgùm bơh 10 nă cau rlau hơđang, ơm ală broă lơh gah jat yàng, broă lơh geh tơrgùm bơh rlau 20 nă cau hơđang.

Cau mblàng K’Duẩn