VOV4.K’ho- Tàm broă lơh “Làng bol lùp - Ƀòn dờng hơ” geh lơh mang ngai 13/9, Phó Chủ tịch Ủy ban Nhân dân ƀòn dờng Hồ Chí Minh ồng Lê Hòa Bình yal uă jơnau tơnggit hơ bè ală khà ờdo ờdă nàng ờ lơh kràñ broă ơm yah ngài mpồl bơtiàn mờ broă lơh dong kờl mpồl lơh sa kă bro bơtàu tơnguh wơl lơh sa, kă bro. Jat hơ̆, gơ wèt mờ ală khà ờdo ờdă nàng pờ mpồng wơl rài lơh sa, ồng Lê Hòa Bình pà git: Ƀòn dờng bơt bơtàu 8 khà ai ală gah, broă lơh in.

Ală khà do geh lơh gơs lài mờ ngai 16/9, tơnơ̆ hơ̆ lam lơh tơrlòng lài tàm Quận 7, kơnhoàl Củ Chi mờ kơnhoàl Cần Giờ; sền sơ wì rề ơnàng tai tàm Khu chế xuất Tân Thuận mờ Khu công nghệ cao ƀòn dờng Thủ Đức. Tàm tŭ lam lơh tơrlòng lài, dilah ală tiah lơi, ală anih lơi tơl khà ờdo ờdă den kung gơtùi ai lơh broă wơl. Bè broă lơh dong kờl mpồl lơh sa kă bro, tơnơ̆ ngai 15/9, ƀòn dờng Hồ Chí Minh geh lơh broă mờ Mpồl lơh broă kuơmàng bơh Chính phủ dê nàng geh jơnau dan dipal.

Cau mblàng K’Duẩn