VOV4.K’ho - Lơh chờ ơruh pơnu dơ̆ sơnrờp geh bơyai lơh neh hòi jà geh rơlao 200 nă đoàn viên, ơruh pơnu tàm ƀòn dờng Hồ Chí Minh tus bal. Lơh chờ geh sơn đờm lơh di tàm dơ̆ tơnkah 90 nam ngai crơng gơs Đoàn ơruh pơnu Cộng sản Hồ Chí Minh (26/3/1931-26/3/2021).

Mờ jơnau yal: “Rơnàng pa – Pơgồp bal mờ tam pà”, Lơh chờ ơruh pơnu nam 2021 geh Thành đoàn ƀòn dờng Hồ Chí Minh bơyai lơh nàng ai geh dùl bơta niam nàng ơruh pơnu ƀòn dờng do in geh tìp bal, tam pà bal jơnau đơs mờ pơgồp bal. Geh bơyai lơh tàm 3 ngai bơh ngai 26 tus 28 nhai 3 tàm hìu chài rơgơi ơruh pơnu, lơh chờ geh uă broă lơh bè: ràng tơlĭk rùp 90 nam Ngai crơng gơs Đoàn; ràng tơlĭk mùl màl bè ƀòn dờng Thủ Đức; bơta gơrềng bal niam chài “Dơ̆ rơndeh lòt kơnòm să” mờ ală dơ̆ cri bơyai mờ tơngu me “Làng bol kơnòm să mờ ƀòn drà ngăc ngar”, “Ơruh pơnu mŭt lơh broă”...

Cau mblàng Ndong Brawl