VOV4.K’ho- Bơh ngai 01/7 tus tŭ do, kờp bal pah ngai, ƀòn dờng Hồ Chí Minh gŏ 1 rbô 305 nă cau bơtờp kòp Covid-19, jơh ală là tàm tiah ơm yah ngài, tiah wàng se kơryan kòp. Mơya, gah lơh sơnơm kung gam sền gŏ sơl uă cau bơtờp kòp bơh xét nghiệm gròi sền tàm mpồl bơtiàn mờ bơh sac rwah tàm hìu sơnơm.

Tŭ do, ƀòn dờng Hồ Chí Minh geh mờr 250 nă cau gam pal tă nhơm mờ măy mờ 7 nă cau pal sơm mờ ECMO. Bè bơta pràm ơm yah ngài, bơdìh mờ 14 tiah ơm yah ngài tơrgùm bal F1 neh geh, ƀòn dờng Hồ Chí Minh crơng gơs tai 88 tiah ơm yah ngài tơrgùm bal bal mờ 10 rbô nơm jơnờng mờ 55 hìu năc mờ bơta pràn ai cau in ơm pơgăp 4 rbô nă cau nàng ơm yah ngài F1. Ủy ban Nhân dân ƀòn dờng Hồ Chí Minh neh geh sră nggal bè broă ơm ing lơh broă ală mpồl lơh sa kă bro ờ geh tơl jơnau sồr rơcăng sơndră kòp bơh ngai 15/7. Tŭ do, geh 216 mpồl lơh sa kă bro lơh sră cih mat dan ơm yah ngài mơkung lơh sa ndang, mờ tàm hơ̆ geh 205 mpồl lơh sa kă bro gam lơh.

 Cau mblàng Lơ Mu K’Yến