VOV4.K’ho - Mpồl đơng lam rơcang sơndră mờ kòp Covid-19 ƀòn dờng Hồ Chí Minh pà git, ƀòn dờng gam rơcang dùl chỉ thị pa nàng di pal mờ bơta mùl màl bơh ƀòn dờng dê.

Ƀòn dờng Hồ Chí Minh kung ờ hềt geh rơndăp broă mùl màl nàng tă sơrbì pơngàr tàm ală anih gròi sền gùng lòt tàm dơlam ƀòn dờng

Lài mờ hơ̆, ngai 24 nhai 9, Chủ tịch UBND ƀòn dờng Hồ Chí Minh ồng Phan Văn Mãi neh kĭ sră nggal sồ 3165 dan mờ Thủ tướng Chính phủ ai ƀòn dờng in geh kơrnoăt is ngui tàm bơta pa, di pal rơlao mờ bơta mùl màl tàm ƀòn dờng. Kờp dŭ chỉ thị do geh ai tơlik mờ geh ngui bơh ngai 01 nhai 10 tus. Jơh ală broă rơcang geh lơh jăt tàm jơnau bơto sồr bơh Bộ Y tế. Bơdìh hơ̆ tai, ƀòn dờng Hồ Chí Minh kung dan sền gròi, ai lài sơnơm vaccine ƀòn dờng do in mờ tiah lơh sa tờm hờ đah jum in, nàng gờñ geh bơta pràn kơl dìng jăt mờ kơrnoăt bơh jơnau bơto sồr. Bè broă bơyai lơh gùng lòt tàm bơta pa, Sở Giao thông Vận tải ờ hềt geh gùng dà broă bơyai lơh ai gùng lòt tàm dơlam ƀòn dờng mờ gùng lòt tus tàm ală tiah ndai, hơ̆ là bơh ală càr lòt tus ƀòn dờng Hồ Chí Minh mờ sơlơ̆u wơl.

Cau mblàng Ndong Brawl