VOV4.K’ho- Jăt Phó Chủ tịch Ủy ban Nhân dân ƀòn dờng Hồ Chí Minh ồng Dương Anh Đức dê yal, bơh ngai 15/09 tus lồi nhai 09 do, ƀòn dờng Hồ Chí Minh kung geh gam lơh jăt sơl jơnau ơm yah ngài mpồl bơtiàn jăt Chỉ thị sồ 16 mờ 16+, ờ kờp bàr pe tiah geh bơta kòp ờ huan kal ke ir bè Cần Giờ, Củ Chi, quận 7....den gơtùi lơh jăt Chỉ thị sồ 16 halà Chỉ thị 15+.

Ồng Dương Anh Đức kung pà gĭt sơl, ƀòn dờng Hồ Chí Minh gam kơlôi sơnơng broă ngui “sră tơlir”, “sră rơmĭt” halà broă lơh ndrờm bè hơ̆ sơl nàng ờ huan lơh kràñ ir bơta ơm yah ngài mpồl bơtiàn ai bàr pe nă cau ờdo ờdă in. Mơya, tŭ sră nggal cĭt vaccine bơh làng bol ƀòn dờng Hồ Chí Minh dê tàm ală măy mok kung gam ờ hềt geh cih yal wil tơl, dùl ròt bal sơl. Mờ ală jơnau hơ̆, ƀòn dờng Hồ Chí Minh sền bal ờ hềt gơtùi ờ huan lơh kràñ jơnau ơm yah ngài mpồl bơtiàn tàm ngai 15/09 do mờ geh lơh jăt jơnau sồr “ờdo ờdă tus tiah lơi den pờ mpồng tus tiah hơ̆”.

            Cau mblàng Lơ Mu K’Yến