VOV4.K’ho- Tơnơ̆ 2 ngai sơrbăc mhar rcang lài, drim ngai 19/6, ƀòn dờng Hồ Chí Minh sơnđờm lam lơh broă lơh cĭt sơnơm vaccine kơryan kòp Covid-19 dờng ngan rlau jơh bơh lài tus tŭ do. Do là bơnah vaccine 836 rơbô ding pa geh Chính phủ tam pà ai ƀòn dờng Hồ Chí Minh in. Ƀòn dờng Hồ Chí Minh geh bơyai lơh cĭt bơnah vaccine 836 rơbô ding do tàm tơngai bơh 5 tus 7 ngai, sơnđờm bơh ngai do 19/6, mờ 1 rơbô tiah cĭt, ƀòn dờng geh hòi jà jơh ală mpồl lơh broă bơh ală mpồl lơh broă gơwèt Bộ Y tế tàm ƀòn dờng Hồ Chí Minh dê, ală Hìu sơnơm dờng ƀòn dờng, quận, kơnhoàl: ală mpồl lơh broă hìu sơnơm is, hìu sơnơm ală tiah...nàng di pal mờ dơ̆ cĭt vaccine dờng ngan, tơngai neh geh ai tơlik.

Tŭ do, Sở Y tế ƀòn dờng neh crơng gơs pơgap 500 mpồl cau cĭt tàm ală hìu sơnơm dờng, Hìu sơnơm ală tiah... rcang lài phan bơna, măy mok nàng lam lơh cĭt sơnơm ai ală cau jat jơnau sồr in. Ƀòn dờng Hồ Chí Minh kung gam bơyai lơh pơlam tàp gàr niam broă cĭt sơnơm vaccine ai ală mpồl cau cĭt in.

Cau mblàng K’Hạnh