VOV4.K’ho- Drim ngai 15/11, Sở Công thương ƀòn dờng Hồ Chí Minh mut lơh broă lơh tơrmù khà priă tơrgùm Shopping Season nam 2021 mờ tơngume “Khat gơboh lơi, lơh ngan blơi” kờñ tơnguh jơnau kờñ blơi phan ngui sa tàm lơgar, tàm tơrbŏ bal đah tac phan mờ blơi phan, dong kờl mpồl lơh sa kă bro bơtàu tơnguh wơl lơh sa, kă bro tàm tơngai bè ờs pa. Geh 586 mpồl lơh sa kă bro geh bơngă pin dờn tus bal broă lơh tơrmù khà priă tơrgùm Shopping Season nam 2021, mờ khà priă tơrmù bơh 30 tus 70%, geh uă mpồl gah phan bè phan sa, phan lơh hàng să jan, phan soh, phan điện tử...

Kuang đơng lam Ủy ban Nhân dân ƀòn dờng Hồ Chí Minh tus bal dơ̆ mut lơh broă lơh tơrmù khà priă tac phan

Geh lơh bơh ngai 15/11 tus ngai 31/12, broă lơh kung gơ hòi gơ jà bơta tus bal bơh ală mpồl tac phan tàm ƀòn dờng, ală anih kă bro điện tử. Mìng is drà tơrmù khà priă geh lơh bơh ngai 21/11 tus ngai 21/12 tàm Hìu pơrlòng tàp pràn să jan Phú Thọ mờ 450 anih ràng tơlik phan sa, dà hùc, broă drơng ala ñô sa, lơh rài bồ tơngoh, nhơl chờ, phan soh, điện tử...

Cau mblàng K’Duẩn