VOV4.K’ho- Drim ngai 07/5, neh bơyai lơh dơ̆ pà phan bơh Ủy ban Nhân dân ƀòn dờng Hồ Chí Minh pà gơnoar atbồ 2 càr lơgar Phnom Penh, lơgar Campuchia dê mờ Vientiane, lơgar Lào in dê nàng dong kờl ală ƀòn dờng do tàm broă lơh rcang sơndră kòp Covid-19. Dơ̆ pà phan geh lơh jat broă lơh pờ tơlik tơn tàm internet tàm 3 tiah ƀòn dờng Hồ Chí Minh, Phnom Penh mờ Vientiane dê mờ bơta tus bal bơh Chủ tịch Ủy ban Nhân dân ƀòn dờng Hồ Chí Minh ồng Nguyễn Thành Phong, Kuang atbồ càr lơgar Phnom Penh ông Khuong Sreng mờ Kuang atbồ càr lơgar Vientiane ồng Atsaphangthng Siphandone.

Đơs tàm dơ̆ pà phan, Kuang đơng lam bồ ƀòn dờng Hồ Chí Minh, càr lơgar Phnom Penh mờ càr lơgar Vientian kơ̆p kờñ pơn jat tai gàr niam bơta gĭt gơ̆p lơh broă bal niam đah gơnoar atbồ mờ làng bol 3 ƀòn dờng, rcang lài lơh pràn lơh broă bal, cribơyai bal tơl gah, ngan là lơh sa, kă bro tơnơ̆ tŭ kòp geh sền gròi. Di dơ̆ do, Chủ tịch Ủy ban Nhân dân ƀòn dờng Hồ Chí Minh ồng Nguyễn Thành Phong neh pà phan dong kờl mờ priă mat kờp priă 50 rơbô dolar Mỹ ai gơnoar atbồ tơl ƀòn dờng Phnom Penh mờ Vientiane in.

Cau mblàng K’Hạnh