VOV4.K’ho- Tàm ngai 14/10, Trung đoàn Gia Định gơwèt Gah đơng lam mpồl ling ƀòn dờng Hồ Chí Minh mờ Ủy ban Nhân dân ală quận, kơnhoàl bơh ƀòn dờng dê neh bơyai lơh dơ̆ kah rơngal mờ tơngăc mpồl ling klàng, mpồl lơh sơnơm ling klàng bơh ală càr mờ ƀòn dờng neh tus bal dong kờl ƀòn dờng Hồ Chí Minh tam dră mờ kòp Covid-19.

Mpồl đơng lam rơcăng sơndră kòp quận 1 dê pà chèu sơnràng lời kir ai ală cau ling tus bal dong kờl tam dră mờ kòp in

Mờr 02 nhai do, rlau 300 nă cau bơsram bơh Học viện Mpồl lơh sơnơm ling klàng dê tŭ geh ai lòt bơh Hà Nội tus ƀòn dờng Hồ Chí Minh nàng tus bal tam dră mờ kòp Covid-19. Tŭ do rê wơl hờ anih lơh broă, pơn jăt tai kơnòl broă bơsram sră, uă cau ling kơnòm să ờ mpồn geh bơta chờ bal mờ nùs nhơm gơlơh kah ngan tŭ pal rê bơh ƀòn dờng Hồ Chí Minh. Kung tàm ngai 14/10 sơl, Ủy ban Nhân dân quận 1 mờ quận 5 neh pơgồp bal mờ Công ty Nhơl chờ Ảnh Việt mờ Bảo tàng cơng tàng tềl lời wơl tam lơh bơyai lơh broă lơh kah rơngal wơl ală mpồl ling klàng neh dong kờl tam dră mờ kòp tàm tiah do tàm tơngai lài. Tơnơ̆ mờr 02 nhai geh ai lòt tus ƀòn dờng Hồ Chí Minh tus bal tam dră mờ kòp Covid-19, ală mpồl gơwèt Bộ Quốc phòng geh tơn rê rơhời ling klàng tŭ ƀòn dờng Hồ Chí Minh mŭt tàm tŭ tơngai “bè ờs pa”.

Cau mblàng Lơ Mu K’Yến