VOV4.K’ho- Phó Thủ tướng Chính phủ ồng Lê Văn Thành đơng lam pơrjum pờ tơn tàm internet bè broă lam lơh rơndap broă lơh gùng ù gờl rơndeh ntoat rat tiah đah tô- tiah đah jum dà lơgar tiah đah mat tơngai lik tơngai bơh nam 2017 tus nam 2020. Đơs tàm pơrjum, Phó Thủ tướng ồng Lê Văn Thành pà git, do là broă lơh kuơmàng dà lơgar dê tàm 5 nam tus, Bộ Chính trị neh sồr pal ai lài tơl bơta pràn ai rơndap broă do in.

Phó Thủ tướng Lê Văn Thành đơs là, ală kal ke, kòl yan bè bơta khà priă, phan lơh gùng geh bơsong di tŭ. Phó Thủ tướng sồr ală bộ, ală càr, ƀòn dờng pal sồr ală mpồl lơh sa kă bro geh gơ rềng mhar ntrờn phan bơna, măi mok bè gùng che đèng, gùng ding dà, cáp viễn thông. Gơ wèt mờ ală rơndap broă rơcang lam lơh, Phó Thủ tướng sồr Bộ Giao thông Vận tải pal rơ wah ală cau pơcri priă geh pơn rơ ai ală rơndap broă pơn jat tai in, pleh bơta dà lơgar tơrgùm jơh bơta pràn mơya broă lơh ờ gơtùi lơh.

Cau mblàng K’Duẩn