VOV4.K’ho- Tàm gùng dà lòt guh tơn tus chính quy, pa mờ jak chài bơh Quân chủng Ling dà lềng dê, Lữ đoàn ơhò nhơ\p mur 189 geh crơng gơs, lơh tềl bơta crơng gơs bơh dùl mpồl ling tam lơh pa bal mờ phan ngui phàu crong pa jak chài gơcèng bơta krơi is uă, đơs nền bơta geh măt bơh mpồl ling dà lềng Việt Nam dê tàm dơlam dà lềng tiah đah măt tơngai lik dờng ơning ơnàng bơh Dà lơgar dê.

Kờp bơh tu\ crơng gơs mờ dờp ală ơhò nhơ\p mur pa jak chài, kuang bàng, cau măy ơhò tàm Lữ đoàn ơhò nhơ\p mur 189 sùm tơnguh uă cồng nha pơlam tàp rcăng tam lơh, pơlam tàp nàng sơrbac mhar lơh tờm ơhò kilo 636 pa jak chài.

Bơsram mờ đòm jăt krơh nùs nhơm Hồ Chí Minh bơh ală broă lơh loh làng mờ ală broă lơh geh kuơ ngan, ală cau ling tàm Lữ đoàn “4 ngan” hơ\ là “Dòn song ngan, tam klăc ngan, lơh glài ngan mờ ndơ\p ndơr ngan” neh sơrbac mhar lơh tờm jơh lơm ơhò nhơ\p mur pa jak chài nàng sền gàr kơ\ kơl jăp gơnoar tờm dà lềng, bồt bơlào, dà lềng kềng gah ù gờl bơh Dà lơgar dê tàm tu\ tơngai pa.

Mờ gơnoar broă là mpồl ling ngac ngar, pa jak chài bơh Quân chủng Ling dà lềng dê mờ Mpồl ling klàng làng bol Việt Nam dê tàm broă lơh jăt kơnòl broă rcăng tam lơh, sền gàr gơnoar tờm dà lềng, bồt bơlào, dà lềng kềng gah ù gờl bơh Dà lơgar dê, kuang bàng mờ cau măy ơhò tàm Lữ đoàn ơhò nhơ\p mur 189 gơ wèt Ling dà lềng neh sùm jơh nùs rcăng lài, bơsong kal ke, lơh gơs jak ngan kơnòl broă geh jàu.

Ồng Nguyễn Văn Quán, Thượng tá, Chính ủy Lữ đoàn pà gi\t: Lơh jăt Chỉ thị sồ 05 bơh Bộ Chính trị dê mờ Chỉ thị sồ 87 bơh Quân ủy Dà lơgar dê bè lơh pràn bơsram mờ lơh jăt bồ tơngoh, nùs nhơm, rài kis mờ broă lơh Hồ Chí Minh dê mờ lơh jăt Dơ\ hòi jà “Đòm jăt bơhiàn, tă pơgồp bơta jak, dipal mờ măt sơnđan Cau ling Wa Hồ dê- Cau ling tàm mpồl ling dà lềng” bơh Đảng ủy Quân chủng Ling dà lềng dê, pah nam, Đảng ủy Lữ đoàn ơhò nhơ\p mur 189 neh rcăng lài geh broă rơndăp lơh lam lơh jăt, jàu tơngume loh làng ai ală kấp ủy, mpồl đảng gơ wèt bal in gơ jăt bal mờ lơh jăt ală tơngume loh làng bơh Lữ đoàn dê. Bơh hơ\, ală bơta niam chài gơcèng bơta krơi is bơh cau ling ơhò nhơ\p mur dê kung rơhời geh crơng gơs mờ đòm jăt geh cồng nha.

Thượng tá Nguyễn Văn Quán, yal: Tus tu\ do, jơnau đơs tàm bơr lơh broă: Chờ hờp- Kơnòl; Gi\t jơnau- Gi\t duh rơngòt adat boh lam; Tam klăc- Pơndềt să; Kơ\ nùs- Lơh ngan tus jai pha neh gơ gơs là bơta niam chài krơi is, geh tơngo\ tàm jơh ală broă bơh rài kis dê. Mơkung lơh gơlik geh bơta gơn kơnờm dong jơh gùt mpồl ling lơh ngan, bơsong kal ke lơh gơs jak ngan kơnòl broă pơlam tàp tam lơh mờ rcăng tam lơh, lơh geh jơnau sồr kơnòl broă tàm tu\ tơngai pa. Kuang bàng, cau ling sùm rcăng lài dờp mờ lơh gơs jak ală kơnòl broă geh jàu, pơgồp bơnah sền gàr gơnoar tờm dà lềng, bồt bơlào bơh Dà lơgar dê.

Pơnrơ tàm broă lơh jăt bơsram mờ lơh jăt bồ tơngoh, nùs nhơm, rài kis mờ broă lơh Hồ Chí Minh dê mờ dơ\ lam sồr “Đòm jăt bơhiàn, tă pơgồp bơta jak, dipal mờ măt sơnđan Cau ling Wa Hồ- Cau ling tàm dà lềng” bơh Lữ đoàn ơhò nhơ\p mur 189 dê geh mpồl ling ơhò nhơ\p mur 182 sơnđan măt Hà Nội. Ồng Nguyễn Trọng Khôi, Thiếu tá, cau ătbồ mpồl cau măy ơhò 182 yal: Ală ngai sơnrờp ờ hềt quèng ngan den tàng ală tu\ dờp ơhò nhơ\p mur tìp uă ngan kal ke tài bơh kuang bàng, cau măy ơhò tàm mpồl cau măy ơhò geh sac rwah bơh ală ling binh chủng, ơhò nhơ\p mur là phan pa, jak chài, sră nggal bơto pơlam măy mờ ngui cih mờ dà Nga lơm ờ hềt geh mblàng gơs dà yoan, mờng chài măy mờ ngui ơhò nhơ\p mur kilo tàm Việt Nam là ờ hềt geh. Mơya, gi\t wa\ jrô ơnàng bơta chờ hờp, kơnòl bơh mpồl cau măy ơhò dê là “Lòt lài- pờ gùng”, chờ hờp, pơ`ìơ să là cau măy ơhò nhơ\p mur pa jak chài, ală kuang bàng, cau măy ơhò 182 neh cih kah jơnau bơto sồr bơh Bác Hồ dê, gơ jăt bal mờ kơnòl broă ngan ngồn tàm tu\ măy, ngui mờ lơh tờm ơhò.

Ồng Nguyễn Trọng Khôi, Thiếu tá, Kuang ătbồ Mpồl cau măy ơhò 182 yal: Gơ wèt mờ tơl nă kuang bàng, cau măy ơhò 182, den broă bơsram mờ đòm jăt Bác Hồ, cih kah jơnau bơto sồr bơh Bác Hồ dê. Ală wa bơ\t bơtàu ling dà lềng den pal bơsram bơta pa là di mơya ờ go\ di là cau lơh bè lơi den he đòm jăt jơh tơn bè hơ\ ờ, mờ pal gi\t lơh bè lơi nàng gơ in dipal…

Ờ rơgơi jơh ală kal ke tàm ală tu\ dờp, lơh tờm ơhò nhơ\p mur bơh ală kuang bàng, cau măy ơhò dê, bơh ală dơ\ sàu tềng rồm măy mờ bơta [ô uă ngan bơh xang zờu dê, bal mờ ală ngai pơlam tàp hu\i tơn dơ\ sàu ngai mờ uă mang guh bi\c nàng lơh niam wơl bơta gơtìp ờ niam tu\ phàu crong phan tam lơh gơtìp “ờdiơng”, “ờ niam”…hơ\ sồng tus dì broă kơlôi sơnơng bơsram sră nggal cih mờ dà Nga, mơya, tơl nă cau măy ơhò 182 sùm lơh ngan pơđơl pràn, ngui bal tu\ ru tàm ngai ơm rlô, jiơ ơm rlô, jơh nùs ngan bơsram, kơlôi sơnơng, ngan là dà Nga mờng ngui gah do dê nàng tơnguh uă bơta pràn jak, bồ tơngo\ gi\t wa\ tàm broă chài ngui phàu crong măy mok tàm ơhò.

Ồng Vũ Văn Khoát, Thiếu tá, Chính trị viên ơhò 182, pà gi\t: Bơsram Bác Hồ bơh ală broă lơh dềt rơhền ngan rlau jơh, bơsram jăt Bác Hồ bơh nùs nhơm kơ\ dơn, kơrhia ngan, nền nòn, bal mờ broă lơh tờm mờ ngui geh cồng nha phàu crong măy mok, lơh jăt niam bơta lơh jăt adat boh lam tàm tu\ lơh broă mờ bơta pal jăt gàr niam ờdo ờdă, tàm ală tu\ lơh jăt kơnòl broă.

Bơh nam 2014 tus tu\ do, kuang bàng, cau măy ơhò 182, Lữ đoàn ơhò nhơ\p mur 189 neh lơh gơs jak ngan mờr 60 dơ\ lòt tàm dà lềng bal mờ rlau 300 ngai lơh broă, gùng lòt jòng rlau 7 rbô 500 hải lý tàm 5 rbô jiơ tàm ală bơta jrô krơi is tàm jơh ală dà lềng bơh Việt Nam dê. Kuơmàng tàm ngai 2 nhai 6 nam 2017, dơ\ sơnrờp tàm jơnau kah yau Ling dà lềng làng bol Việt Nam dê, dùl nai phàu ồs geh cuh bơh ơhò nhơ\p mur neh gơ par bơh dà lềng mờ cuh di tơn tềng anih kờ` cuh. Cồng nha hơ\, đơs nền bơta krơi is, lơh tờm is, bơceh pa mờ bơta pràn jak lơh tờm phàu crong măy mok tàm ơhò nhơ\p mur Kilo pa jak chài bơh ală cau ling tàm Lữ đoàn 4 krơi is ngan dê.

Đòm jăt bơhiàn “Dòn song ngan, tam klăc ngan, lơh glài ngan mờ ndơ\p ndơr ngan” tơl nă kuang bàng, cau măy ơhò tàm Lữ đoàn ơhò nhơ\p mur 189 gơ wèt Ling dà lềng đơs bal, kuang bàng, cau măy ơhò 182 đơs is sùm cih kah jơnau bơto sồr bơh Chủ tịch Hồ Chí Minh dê bè sền gàr gơnoar tờm dà lềng, bồt bơlào, gi\t loh kơnòl broă, bơta chờ hờp, pơn`ìơ să, bơ\t bơtàu nùs nhơm lơh ngan tus jai pha, rcăng tus bal tàm ală gùng dà broă lơh tam lơh jơnhoa ngan rlau jơh; di tu\ lơh jăt di kơnòl broă rcăng tam lơh sền gàr gơnoar tờm dà lềng, bồt bơlào bơh Dà lơgar dê tàm jơh ală jơnau lơi digơlan gơlik geh.

Cau cih Thu Lan- Cau mblàng Lơ Mu K’Yến