VOV4.K’ho – Tàm ù tiah nhàr dà lơgar Tây Nguyên, ling klàng mờ làng bol ală kòn cau gam ngai sơlơ lơh ngan bơt bơtàu nùs nhơm tam klac bal, đềt mềr nàng lơh gơs dùl mpồl sền gàr dà lơgar kơ\ kơljap. Broă lơh tam klac bal bơh Binh đoàn 15 dê lơh tàm tiah nhàr dà lơgar đah tô Tây Nguyên là dùl pơn yơu. Tàm do, broă lơh bal halà dờp lơh oh mi jat uă bơta krơi is, bơh broă hìu nhă kong nhân cau yoan lơh bal mờ hìu nhă kòn cau tus Binh đoàn lơh bal mờ gơ noar atbồ tàm [òn lơgar mờ ai go\ cồng nha ngan ngồn:

Nam 2006, Binh đoàn 15 geh rơndap broă lơh tam klac bal hìu nhă kong nhân cau yoan mờ hìu nhă kong nhân kòn cau. Hìu nhă bi Nguyễn Văn Thương mờ hìu nhă bi Rơ Lan Yin là dùl tàm ală yô hìu nhă lơh bal sơn rờp bơh Mpồl 14, Kong ti 75, Binh đoàn 15.

Rlau 10 nam do, 2 hìu nhă tàm sền bè oh mi tờm dùl hìu nhă, tam klac, đềt mềr, dong kờl bal mờ gơp bè tơl bơta, bơh ală broă lơh tàm kong ti tus broă tàm hìu nhă. Bơta tàm dong kờl bal mờ gơp neh dong rài kis lơh sa bơh jơh 2 hìu nhă ndrờm tam gơl mờ tu\ do ndrờm pas lơm. Bi Nguyễn Văn Thương đơs:

“Tàm tu\ lơh rơndap broă lơh bal hìu nhă den hìu nhă sùm tơr gùm bơto ală bơta chài git wă bè chi tam jo\ ngai kung bè chi tam lơyah ngai, biap sa kloh niam, ờ do ờ dă. Cèng ală bơta chài kỹ thuật nàng hìu nhă lơh bal mờ he geh priă jền lơh geh, ngai sơlơ bơtàu tơnguh lơh sa.”

Mìng tơnơ\ dùl tu\ tơngai lơh broă, broă lơh tam klac bal hìu nhă bơh Binh đoàn 15 dê neh ai go\ cồng nha mờ mhar geh lơh uă tàm jơh ală kong ti di Binh đoàn tàm tiah nhàr dà lơgar bơh 2 càr Gialai mờ Kontum dê. Bơh pah nam, broă tam klac bal geh tơngguh tus ală khà pa, tu\ Binh đoàn rơndap lơh mpồl lơh sa dờp lơh oh mi mờ [òn lơgar; kong ti dờp lơh oh mi mờ kơnhoàl, xã; Binh đoàn lơh bal mờ càr, kơnhoàl.

{òn Triêl, xã tiah nhàr dà lơgar Ia Pnôn, kơnhoàl Đức Cơ geh 75 hìu nhă làng bol den 70 hìu nhă geh cau lơh kong nhân bơh Kong ti 72, Binh đoàn 15 dê. Tàm tu\ jơh ală hìu nhă kong nhân bơh [òn dê lơh broă tam klac bal mờ kong nhân cau yoan den [òn Triêl kung dờp lơh oh mi mờ mpồl 12, mpồl 16 bơh Kong ti 72 dê. Broă tam klac bal, dờp lơh oh mi là bơta pràn chul chồl kuơ màng ngan, dong [òn Triêl bơtàu tơnguh mờ broă lơh sa [òn dê tu\ do kung kơljap ngan, mờ mờr 90 lồ kơphe, 70 lồ kau su, 80 lồ điều, 8 lồ tiêu bal mờ uă bă chi tam ndai.

Jat ồng Ksor Bíu, kuang atbồ mpồl lơh broă Mặt trận [òn Triêl, nùs nhơm tam klac bal ling klàng – làng bol, bơta git gơp lơh broă bal mờ mpồl lơh sa kă bro là bơta kuơ màng ngan, gam geh làng bol bơtàu tơnguh. Ồng đơs:

“Bol a` geh pơnjat tai mblàng yal, lam sồr làng bol gàr bè ờs nùs nhơm tam klac bal, nàng lơh niam rlau tai broă tam gơl chi tam, phan ròng. Sền gròi tàm lơh sa ai hìu nhă in cèng wơl cồng nha uă. Hơ\sồng sơlơ lơh bal mờ ală mpồl dờp lơh oh mi nàng bơsram ală mờng chài, lơh ngan lơh pas dipal ai ală hìu nhă in.”

Jat Đại tá Nguyễn Đức Thành, Bí thư Đảng uỷ, Phó kuang đơng lam bồ Binh đoàn 15, broă lơh tam klac bal, dờp lơh oh mi đah ling klàng mờ làng bol là jơnau bơceh lơh bơh Binh đoàn dê mờ là dùl tàm ală broă lơh kuơ màng bơh Binh đoàn dê tu\ lơh broă lam sồr làng bol tàm tu\ tơngai pa, di mờ bơta geh ngan tàm tiah nhàr dà lơgar Tây Nguyên.

Tàm ală nam do, Đảng uỷ, Gah đơng lam Binh đoàn neh geh ală jơnau đơng lam krà` cê ngan nàng gùt Binh đoàn lơh niam broă lơh do, pơ gồp bơnah bơtàu tơnguh lơh sa, gơ jat bal mờ sền gàr ngap lơngai dà lơgar tàm tiah nhàr dà lơgar. Đại tá Nguyễn Đức Thành pà git:

“Đảng ủy, Gah đơng lam Binh đoàn sền kơnòl broă lam sồr làng bol kung là kơnòl chính trị. Den tàng, tàm ală nam do, Đảng uỷ, Gah đơng lam Binh đoàn sùm đơng lam krà` cê lơh ală broă lơh lam sồr làng bol. Bol a` sền broă lơh lam sồr làng bol lài ngan là pal jat cấp ủy, gơnoar atbồ tàm [òn lơgar, làng bol ală kòn cau mờ sền hơ\ là bơnàng jă, là bơta kuơ màng nàng bol a` lơh jơh kơ nòl chính trị. Kuơ màng, bè broă lơh tam klac bal hìu nhă, do là jơnau bơceh lơh di ngan, gơtùi cèng wơl cồng nha ngan ngồn.”

Tàm dơ\ mò Trương Thị Ngọc Ánh, Phó Chủ tịch Ủy ban Mặt trận dà lơgar Việt Nam rê tus xã tiah nhàr dà lơgar Ia Pnôn, kơnhoàl Đức Cơ, càr Gialai tus bal Ngai chờ tam klac dờng gùt jơi bơtiàn tàm gùl nhai 11 pa do, neh đơs niam ngan broă lơh dờp lơh oh mi đah ling klàng mờ làng bol, tam klac bal hìu nhă bơh Binh đoàn 15 lơh tàm xã.

Broă lơh neh ai go\ cồng nha ngan ngồn tu\ ờ mìng pơ gồp bơnah bơtàu tơnguh lơh sa, mờ gam bơt bơtàu dùl mpồl sền gàr dà lơgar kơ\ kơljap tàm tiah nhàr dà lơgar. Mò đơs:

“Bol a` go\ gơ lơh niam ngan mờ đơs niam broă bơt bơtàu nùs nhơm tam klac bal tàm ù tiah xã Ia Pnôn đơs is, càr Gialai dê đơs bal. Bol he neh bơyai lơh geh broă lơh dờp lơh oh mi đah ling klàng mờ làng bol, lam lơh dờp lơh oh mi đah ală hìu nhă nàng dong kờl bal mờ gơp bơtàu tơnguh lơh sa, tàm lam sồr bal mờ gơp, tam pà ală kal ke, lơh gơs nùs nhơm tam klac bal ngai sơlơ kơ\ kơljap. Bơh hơ\ bơt bơtàu [òn lơgar ngai sơlơ tam klac mờ bơtàu tơnguh bè lơh sa, pràn kơldang, kơ\ kơljap bè ngap lơngai chính trị.”

Nùs nhơm tam klac bal ling klàng – làng bol, bơta git gơp lơh bal lơh sa đah Binh đoàn 15 mờ gơnoar atbồ, làng bol tàm tiah nhàr dà lơgar 2 càr Gialai mờ Kontum geh sền gròi bơt bơtàu tàm rlau 30 nam do. Do là bơta kuơ màng gam geh pơn jat tai chồl pràn nàng bơt bơtàu tiah nhàr dà lơgar đah tô Tây Nguyên pràn kơldang, kơ\ kơljap tơl làm.

                                                             Cau cih mờ yal tơnggit K’Duẩn