VOV4.K’ho-Xã N’Thol Hạ, kơnhoàl Đức Trọng, càr Lâm Đồng geh rlau 1900 hìu bơnhă, 8 rbô nă cau, tàm hơ\ cau kòn cau K’ho geh tus rlau 80%. Kơnờm tam gơl pràn kơldang tàm bơta kơlôi sơnơng broă lơh, săng te\ jơh bồ tơngoh kơ\p kơldìng ir, bal mờ bơta sền gròi bơcri priă, dong kờl bè tơl ală bơta bơh Đảng mờ Dà lơgar dê, rài kis lơh sa bơh làng bol tàm tiah do dê neh geh bơta bơtàu tơnguh uă tàm nam 2018.

Rê còp xã N’Thol Hạ, kơnhoàl Đức Trọng, càr Lâm Đồng tàm ală ngai bồ sơnam pa 2019, bol a` gơlơh nrơ\t ndơl ngan tềng đap bơta tam gơl bơh dùl [òn lơgar geh uă ngan làng bol ơm kis là cau kòn cau K’ho do.

Hìu đam neh geh lơh niam bơne\ mờ sàng goh ngan; đèng, gùng lòt, hìu bơsram, hìu sơnơm geh bơcri priă lơh pa; gùng lòt gùt dar thôn, [òn ndrờm geh lơh mờ bê tông lơm…pà go\ rài kis bơh làng bol dê neh hờm ram mờ pas sơm.

Jat bi Ka Thiều ơm tàm thôn Yang Ly, xã N’Thol Hạ, kơnhòal Đức Trọng yal, bơh tài rài kis làng bol dê gơ tam gơl bè tu\ do là kơnờm tam gơl jơnau gi\t wa\ tàm bơta kơlôi sơnơng, broă lơh.

Ờ mìng rơcang lài lùp bơsram mờ jơh nùs đòm jat ngui bơta jak chài pa mờ măy mok tàm broă lơh sa mờ gam khin cha ngan tam gơl rơndăp tăp sèng chi tam jat gùng dà tơnguh uă priă kă bro phan bơna.

Rài kis lơh sa làng bol dê tàm do neh bơtàu tơnguh rlau mờ lài uă ngan. Tu\ do jơh ală làng bol ndrờm tam gơl sre lơh dùl kàl tus tam wơl ală tờm biăp, hơ\ sồng tam nha tu ròng tu ruồi brài. Tam nha tu ròng tu ruồi brài den gam bơtàu tơnguh ngan, uă hìu bơnhă neh klàs bơh r[ah mờ lơh pas kơnờm bơh hơ\.

 Lài do, hìu bơnhă a` kung là hìu r[ah sơl, tơnơ\ mờ tu\ geh dà lơgar sền gròi dong kờl, ai càn priă ngân hàng chính sách xã hội dê nàng hìu bơnhă tam gơl rơndăp tăp sèng chi tam, kơnờm bơh hơ\ mờ hìu bơnhă klàs bơh r[ah mờ tu\ do geh rài kis sơlơ bơtàu tơnguh rlau tai.

            Bơh lài mìng lơh kòi mờ tam kơphê lơm den tu\ do làng bol neh ai ală tờm chi tam lơh geh priă jền uă nàng tam, tàm hơ\ geh mờr 1.200 lồ biăp mờ rlau 60 lồ bơkàu, tàm khà do geh 36 lồ tam tàm hìu krơh- hìu jàl mờ 340 lồ ngui ală măy tuh dà is bơdìh trồ.

Kơnờm bè hơ\ mờ priă lơh sa kờp bal tàm dùl lồ bơh xã N’Thol Hạ neh lơh geh 153 tơlak priă dùl nam, priă lơh geh kờp bal dùl nă cau geh 47 tơlak priă tàm dùl nam. Dilah 10 nam rê hờ lài, xã N’Thol Hạ geh tus 62% hìu r[ah, den tu\ do khà hìu r[ah mìng gam 2,8% lơm.

            Sền go\ bơta tam gơl uă ngan, rài kis lơh sa sùm bơtàu tơnguh rlau tai bơh [òn lơgar he dê, ồng K’Breo là cau kra [òn ơm tàm thôn Đoàn Kết, xã N’Thol Hạ chờ hờp ngan pà gi\t, bồ tơngoh kơ\p kơnờm kơldìng wơl neh ờ gam tai, neh lik jơh bơh tàm tơl hìu, bơnhă ồs. Hìu lơi kung geh lơm jơnau gi\t wa\ pơđơl pràn lơh ngan is lơh broă lơh sa, lơh ngan brồ guh bơ\t bơtàu rài kis pas sơm, jak chài.

Geh bơta sền gròi bơh ală kấp, kuang bàng geh broă lơh mờng chài bơto pơlam lơh broă sa sươn sre jơh nùs jơh tồr ngan, ală srơh tàm pơrlòng lơh sa, srơh tàm sơm băt tê bal bơ\t bơtàu [òn lơgar pa, tàm dong kờl bal mờ gơ\p bơtàu tơnguh lơh sa hìu bơnhă, bơ\t bơtàu rài kis pa tàm tiah làng bol ơm kis…geh lơh jat duh hồl ngan, lơh geh tơl bơta làng bol in ngui niam mpồl tam klac dờng jơi bơtìan, bơ\t bơtàu [òn lơgar bơtàu tơnguh. Ồng K’Breo đơs ngan bè do.

            Bồ tơngoh kơ\p kơnờm kơldìng wơl bơh làng bol dê neh ờ gam tai. Tu\ do làng bol neh gi\t tam nha tu ròng tu ruồi brài, gi\t ko\ng bòl glar tơryang tơryồng lơh broă lơh sa, rài kis neh bơtàu tơnguh niam ngan. A` là cau kra [òn sền go\ bè hơ\ den là chờ hờp ngan, sùm pơn jat tai hòi jà làng bol là să tờm he pal lơh ngan gi\t kong bòl glar kal ke tàm broă lơh sa, ba` kơldìng wơl tàm cau ndai, hơ\ là pal lơh is lơh sa nàng rài kis neh bơtàu tơnguh den sơlơ bơtàu tơnguh rlau tai.

            Ờ mìng lơh sa bơtàu tơnguh lơm, ală broă bè lơh sơnơm, niam chài, bơto bơtê bơh xã N’Thol Hạ dê kung lơh geh cồng nha uă ngan sơl mờ là xã geh dờp geh tơl khà [òn lơgar pa bơh nam 2016.

Jat ồng Lê Bá Dương, Phó Kuang atbồ Ủy ban Nhân dân xã N’Thol Hạ đơs, broă bơtàu tơnguh lơh sa, jòi geh drà kă bro phan lơh geh bơh sươn sre, kơ\ kơl jăp mờ tơnguh priă lơh geh kơ\ kơl jăp sùm ai làng bol in sùm là jơnau mờ gơnoar atbồ tiah do kơlôi tus.

 Den tàng bè hơ\, bal mờ hòi jà làng bol jơh nùs lơh broă lơh sa, tơnguh uă bơta niam mờ priă tăc ală bơta phan lơh geh bơh sươn sre, broă jòi cau lơh broă bal nàng lơh bal lơh sa mờ kă bro phan bơna ai làng bol in sùm geh xã sền gròi khà dùl.

Tàm tơngai lài, bol a` neh sơlơ hòi jà làng bol tam gơl sre lơh kòi dùl kàl halà ală sươn kơphê kra neh jo\ sơnam nàng ai ù tam wơl biăp, bơkàu, tam nha tu ròng tu ruồi brài den sền bal là neh lơh geh cồng nha.

Tàm tơngai tus, bol a` jơh nùs lơh broă do nàng lơh bè lơi tơnguh priă lơh geh kờp bal dùl nă cau ngai sơlơ gơguh rlau. Gùng dà bơh xã dê tàm tơngai tus là lơh bè lơi gơ wèt mờ làng bol tam biăp, tam bơkàu jat gùng dà lơh broă sa sươn sre công nghệ cao den lơh bal geh Hợp tác xã halà ală công ty nàng lơh bè lơh geh tiah kă bro phan bơna lơh geh do.

Bơh sơnrờp là dùl xã kal ke ngan, geh uă ngan làng bol kòn cau bơh kơnhoàl Đức Trọng dê, mơya kơnờm bơh tam gơl jơnau gi\t wa\ tàm broă kơlôi sơnơng, broă lơh, N’Thol Hạ ờ mìng klàs bơh rài kis jơgloh r[ah mờ gam lơh ngan brồ guh bơ\t bơtàu rài kis wil tơl mờ pas sơm. Mờ nùs nhơm chờ hờp tài bơh ală cồng nha lơh geh, pin dờn ngan là rài kis lơh sa làng bol kòn cau K’ho tàm tiah do dê geh pơn jat tai sơlơ bơtàu tơnguh pràn rlau tai tàm nam pa 2019.

Cau mblàng Lơ Mu K’Yến