VOV4.K’ho - Ờ hềt geh dờp la anih lơh broa\ lơh bao\, ala\  bơta pria\ jền dong kờl den ờ ua\, tiah lơh broa\ den ơnàng, gùng lòt den gơ kòl. Do la ala\ kal ke mờ mpồl  cau lơh bao\ pờ tơlik jơnau đơs tàm 10 anih pờ tơlik jơnau đơs, sơndio rùp kơnhòal bơh càr Kon Tum gam pah ngai pal dra\ bồ. Mơya, mờ bơta  kờ` broa\ lơh, khi neh sơrlèt tơl ala\ kal ke, bòl glar nàng kis di mờ broa\  kờ` lơh bao\, tơl bo\ jòng sap đơs bơh làng bol, mut lơh niam broa\ lơh mblàng pơlam broa\ lơh geh jào. Di tơng kah 93 nam ngai Sra\ bao\ kac màng Việt Nam 21/6, Khoa Điềm, lơh broa\ tàm Tây Nguyên, geh jơnau cih bè bơta chờ mờ broa\  kờ` lơh broa\ bơh cau lơh broa\ pờ tơlik jơnau đơs hờ [òn lơgar tàm càr Kon Tum.

Kờp tus di ngai  21/6 nam do, neh tòm 29 nam bi Lê Văn Dũng lơh broa\ tàm anih pờ tơlik jơnau đơs-sơndio rùp kơnhòal Sa Thầy. Mut lơh broa\ bơh nam 21 sơnam, rài kis geh tu\ gơguh, geh tu\ gơmù mờ tềng ua\ ngan gơl gùng bơh  rài kis, broa\ mờ bi rwah gam la broa\ lơh  phóng viên tàm Anih pờ tơlik jơnau đơs-sơndio rùp. Tơnơ\ rlau 29 nam sùm lơh broa\, cih dờp  broa\ rhời bơtàu tơngguh bơh [òn lơgar  tờm, bi Lê Văn Dũng neh bơh jo\ ngan la cau rềp mềr bơh làng bol tàm ala\ [òn, 11 xã , thị trấn tàm kơnhòal. Bi Dũng pà git,  bơta chờ ngan  bơh broa\ lơh pah ngai la bơta lơh pràn sa\ kờ` bi đềt mềr mờ broa\ lơh:

Bơta chờ dờp ngan  a` dê la tu\ he geh jơnau yal tơnggit  bơr đơs broa\ lơh bơh làng bol tus mờ Đảng, Dà lơgar. He la cau lơh broa\ la rbàng tơrbo\ bơta kơp kờ` bơh làng bol tus mờ gơnoar atbồ [òn lơgar. Geh  gơnoar atbồ [òn lơgar  bơsong geh bơta kơp kờ` làng bol dê, geh làng bol kờ` bal den he gơ lơh  go\ bơta hơ\ la bơta boh gơbàn ngan bloh.

Tàm jơh ala\ jơnau  gơlik geh tàm càr Kon Tum ndrờm geh bơta tus bal bơh ala\ cau  lơh broa\ pờ tơlik jơnau đơs hờ [òn lơgar. Tàm ala\ jơnau đơs pờ tơlik pah ngai, kơnờm geh rwah di, pal ngan ala\ jơnau yal tơnggit mờ làng bol kờ`, gơnoar atbồ [òn lơgar  kờ` nàng cih gơs ai pờ tơlik, sap đơs bơh anih lơh broa\ geh làng bol pin dờ`, kờ` gơboh. Ồng Nguyễn Huy Quốc, Bí thư Đảng ủy xã Hà Mòn, kơnhòal Đăk Hà đơs bè do:

Jiơ geh ai pờ tơlik tus mờ làng bol tàm anih lơi khi gam lơh broa\ drờm geh dờp geh jơnau yal tơnggit. Mờ ala\ jơnau yal tơnggit geh kuơ den khi sền gròi ngan, anih pờ tơlik jơnau đơs  hờ [òn lơgar den lơh broa\ geh cồng nha ngan tu\ mblàng yal ala\ gùng dà broa\ lơh bơh Đảng, dà lơgar kung bè ala\ geh gùng tus mờ tơl [òn  lơgar.

Geh làng bol, gơnoar atbồ [òn lơgar cih dờp,  ala\ cau lơh broa\ phóng viên tàm 10 anih pờ tơlik jơnau đơs, sơndio rùp kơnhòal bơh càr Kon Tum sùm lơh ngan sơrlèt gan kal ke sa\ tờm nàng di pal mờ bơta pin dờ`. Bal mờ broa\ bơsram is, bơtàu tơngguh git wa\ broa\ lơh pah ngai, mờ bơta kờ` gơboh broa\ lơh mờ pờ tơlik jơnau đơs, khi neh sơrlèt ua\ ngan kòl yan, ờ tơl nàng lơh gơs broa\ jàu. Bi Ngô Thế Quỳnh, Phó trưởng Đài truyền thanh-Truyền hình kơnhòal Đăk Hà ai git,  pa do kơnhòal neh mut lơh geh ala\ broa\ lơh  rơndap tap sèng wơl biên chế. Bơh 14 na\ cau tu\ do mìng gam 5 na\. Mơya,  ờ bè hơ\  mờ tơmù broa\ lơh mờ anih lơh broa\  gam lơh geh tai ờ ua\ jơnau tơnggit di pal  bơta kờ` jơnau tơnggit bơh làng bol:

Mờ bơta lơh ngan, kờ` broa\ lơh  oh mi dê, anih lơh broa\ gam lơh geh  broa\ lơh bè 2 jơnau pờ tơlik sơndio rùp, 2 jơnau pờ tơlik jơnau đơs. Tu\ do, 5 na\ cau gam gàr kơ\ khà broa\ lơh bè hơ\. Bal mờ hơ\,  neh lơh geh 4 jơnau pờ tơlik jơnau đơs, geh  sơnđan chính sách mờ cau geh màng, cau kơnòm sa\ Đăk Hà lơh jat  jơnau Bác Hồ, Ù tiah mờ kòn bơnus Đăk Hà, Khoa học mờ rài kis di pal bơta kờ` jơnau tơnggit mblàng pơlam bơh [òn lơgar.

Chồl guh bơta pràn kờ` kis, lơh broa\ tàm [òn lơgar den tàng tàm ua\ jơnau gơlik geh, bè dà ko\ dà cò, tơrlah ù tàm kon Plông, gơbàn rềs àr gùng lòt tàm Đăk Glei, ala\ dơ\ kơl mus brê, ồs sa brê tàm Sa Thầy, Ngọc Hồi… ala\ cau ai tơnggit jơnau bơh anih lơh broa\ pờ tơlik jơnau đơs kơnhòal sùm la ala\ cau geh tus gờ` ngan. Bal mờ yal tơnggit jơnau, đơs broa\ lơh mblàng  pơlam tàm [òn lơgar, ala\ cau lơh broa\ pờ tơlik jơnau đơs [òn lơgar gam la đah lơh broa\ pin dờ` dong kờl ala\ cau ai tơnggit lơh bao\ lơh gơs broa\ lơh. Ồng Dương Tôn Bảo, Phó Chủ tịch thường trực Hội nhà bao\ càr Kon Tum neh lời ua\  bơta niam tu\ đơs tus broa\ lơh  mờ mpồl  cau lơh bao\ pờ tơlik jơnau đơs tàm [òn lơgar:

Jat geh cih bơh adat boh lam ala\ anih pờ tơlik jơnau đơs-sơndio rùp kơnhòal ờ hềt geh dờp la anih lơh bao\. Tài bè hơ\ den tàng broa\  pria\ nhuận bút tus mờ ala\ cau lơh lơh bao\ pờ tơlik jơnau đơs-sơndio rùp tàm kơnhòal gơ lơh bè ờ geh. Oh mi mìng la cau lơh broa\  dà lơgar sa pria\ nhai bè ờs. Do la dùl tàm  kal ke tus mờ oh mi lơh broa\ hờ [òn lơgar. Bulah tàm bơta mùl màl  khi gam pal mut lơh broa\ lơh bè dùl  na\ cau  phóng viên lơh bao\. Kung bè lòt lơh broa\ tàm [òn lơgar. Kung cih jơnau pờ tơlik jơnau đơs, sơndio rùp ai jơnau đơs bơh  Đảng, Dà lơgar tus mờ làng bol.

Bal mờ ala\ bơta ờ suk ngan pah tu\ ơn tê tềng bàn phím nàng lơh gơs dùl jơnau cih  bao\ lơi, ala\ cau lơh broa\  pờ tơlik jơnau đơs kơnhòal tàm Kon Tum kung geh ala\ bơta ờ suk bè bơnga\ broa\ lơh, gơbàn  suơu\ siar bè pria\ geh mờ phan bơna broa\ lơh… Mơya, mờ bơta kờ` broa\ lơh, khi neh mờ gam sơrlèt tơl kal ke, bòl glar nàng geh kis mờ bơta kờ` lơh bao\. Mờ kung la nàng di pal mờ khà jờng mờ cau [òn lơgar sơnđan khi in, la ‘’Cau lơh bao\ bơh [òn lơgar’’.

                        Cau mblàng K’ Brọp