VOV4.K’ho-Jơh nùs jơh tồr mờ broă lơh, đềt mềr mờ kơnòm bơsram là ală jơnau mờ cau pơgru bal, mè bèp kơnòm bơsram bal mờ kơnòm bơsram đơs bè klau pơgru Y Srơm, kòn cau M’nông, tàm Hìu bơsram kấp hai Lê Qúy Đôn, xã Trường Xuân, kơnhoàl Dak Song, càr Daknông.

 

Lơh geh nùs nhơm gơdan bơsram tàm kơnòm bơsram kòn cau, klau pơgru Y Srơm sùm jòi sền kơlôi sơnơng ngui uă broă lơh bơto bơtê dipal, geh cồng nha, dong ală oh kờ` gơboh jơnau bơsram, chờ hờp lòt bơsram.

 

Deh nam 1984, tàm [òn Bu Bơ, xã Trường Xuân, kơnhoàl Dak Song, càr Daknông, bơh tu\ gam dềt tơn, Y Srơm neh kơ\p kờ` tơnơ\ do geh bơto sră kơnòm. Jơnau kơ\p kờ` hơ\ neh lơh oh klau dềt kòn cau M’nông lơh jat jơnau lơh nền lòt bơsram gah lơh pơgru Toán tàm Hìu bơsram Cao đẳng lơh pơgru Daklak hơ\ sồng bơsram tai tàm hìu bơsram đại học Dà Làc.

 

Lik bơsram, geh jàu rê bơto tàm tiah tờm kơnhoàl Dak Song, mơya mìng tơnơ\ 3 nam, klau pơgru kơnòm să Y Srơm dan rê bơto tàm Hìu bơsram kấp hai Lê Qúy Đôn tàm xã Trường Xuân. Yal bè jơnau lơh nền do, klau pơgru Y Srơm pà gi\t, tàm Trường Xuân, ală oh kờ` ală pơgru là cau kòn cau tàm do, tài bơh neh là kơnòm bơsram kấp hai, mơya uă oh kung gam ờ hềt gi\t wa\ ngan ngồn dà yoan sơl. Jơnau kal ke bè dà đơs geh lơh ală oh dơrcul nùs mờ ờ bài kờ` lòt bơsram. Klau pơgru Y Srơm, đơs:

 

“Tàm do, den kơnòm bơsram kòn cau uă, geh oh ờ hềt gi\t ngan dà yoan, den tàng a` pal bơto tai mờ dà kòn cau tờm là dà Mnông nàng ală oh in gi\t ngan ngồn tàm broă bơsram. A` sùm jà ală oh lơh ngan sơrlèt gan kal ke lòt bơsram nàng geh jơnau gi\t wa\ ai he in, tơnơ\ do nàng geh rài kis niam rlau”.

 

                            Klau pơgru Y Srơm đềt mềr mờ kơ nòm bơsram    

Bơto sră tàm [òn tờm he dê tơn, den tàng klau pơgru Y Srơm gi\t loh làng ngan rài kis hìu bơnhă bơh tơl nă kơnòm bơsram dê, kung bè sền go\ geh ală bơta kal ke mờ ală oh pal ko\ng pah ngai. Bơh hơ\, bi gi\t kờ` pal lơh ală broă lơi nàng dong ală kơnòm bơsram bơh he dê ờ mìng geh cồng nha bơsram jak lơm gời ờ, mờ gam pal geh tai bơta chài sơrlèt gan rài kis kal ke, lơh ngan brồ guh tàm rài kis.

 

Oh Y Nakô, kơnòm bơsram ơdu\ 8A4, yal, lồi nam bơsram ơdu\ 6, tài bơh hàm nhơl game ir, den tàng oh neh sơrbì bơsram mờ sùm tus tàm ală hìu nét nàng nhơm game. Kơnờm geh klau pơgru Y Srơm lòt tìp, bơto tơngkah mờ dong oh bơsram wơl, oh neh lòt bơsram wơl mờ bơsram jak ndrờm bal mờ ală bơyô tàm ơdu\.

 

 Bơta bơto pơlam jơh nùs jơh tồr bơh klau pơgru dê lơh on in dờn bơr rlau, nam bơsram ơdu\ 7 oh neh geh sră jờng rơ là kơnòm bơsram jak. Oh Y Nakô, đơs:

 

“Tơngai lài oh sơrbì bơsram, klau pơgru Srơm neh tus tơn tàm hìu pơndờm pơnđiang jà oh lòt bơsram wơl, ồng mò, wa mờ mè bèp oh dê kung sồr oh lòt bơsram. Klau pơgru đơs, lòt bơsram nàng tơnơ\ do geh jơnau gi\t wa\, gơtùi lòt tiah do tiah ne mờ lòt bơsram dờng rlau, hơ\ sồng geh broă lơh, broă lơh geh sùm tai.

 

Tơnơ\ do, oh kờ` geh gơ gơs là klau pơgru bè klau pơgru Srơm sơl nàng pơndờm pơnđiang ală bơyô sơrbì bơsram bè oh, lòt bơsram wơl nàng geh rài tơnơ\ do niam rlau mờ geh jơnau gi\t wa\ ai he in”.

 

Jơnau lơh klau pơgru Y Srơm kơlôi rơcang sùm là kơnòm bơsram kòn cau gơtìp kal ke bè dà đơs gơrềng tus broă gi\t wa\ ală jơnau bơto tàm ơdu\. Den tàng bè hơ\, pah tu\ jiơ lòt bơto, klau pơgru Y Srơm sùm lơh ngan bơto mờ bàr dà đơs nàng bơto loh làng rlau ai ală oh in. Klau pơgru Y Srơm, đơs:

 

“A` bơto sră kơnòm in neh 10 nam do, bơto ală kơnòm bơsram kòn cau in, dilah ală oh ờ gi\t dà yoan den kal ke ngan. Jơnau a` kơ\p kờ` là dilah hìu bơsram geh tơl phan bơna, geh uă cơldu\ bơsram rlau, a` kờ` bơto tai ală oh bơsram gam ờ jak, ală kơnòm bơsram kòn cau nàng ală oh in gi\t wa\ ndrờm bè kơnòm bơsram ndai sơl.

 

Tàm tơngai tus, den a` geh kơlôi sơnơng mờ ai broă bơto bal mờ bàr dà đơs tàm hìu bơsram ai âlư kơnòm bơsram kòn cau tàm do in nàng ală oh gi\t jơnau bơsram mhar rlau”.

 

Bal mờ jơnau kơ\p kờ` là cau pơlam gùng, lơh tơngkah dong ală kơnòm bơsram geh jơnau gi\t wa\, Y Srơm sùm lơh ngan jòi sền, rơcang lài tam gơl pa broă bơto. Đòm jat ală jơnau bơto tàm internet bơto tàm uă tiết bơsram mờ ngac ngar tàm broă bơto, ală tu\ jiơ bơsram toán bơh klau pơgru Y Srơm dê sùm lơh geh bơta gơkờn ngan ai kơnòm bơsram in, dong ală oh ngui niam bơta pràn bơceh pa mờ bồ tơngoh kơlôi sơnơng.

 

                                       Klau pơgru Y Srơm jơh nùs ngan mờ broă bơto kơnòm

 Cồng nha bơto mờ bơsram môn toán geh tơnguh tai loh làng, khà kơnòm bơsram bơh hìu bơsram dê geh cồng nha uă tàm ală dơ\ pơrlòng kơnòm bơsram jak ngai sơlơ gơguh tai. Klau pơgru Nguyễn Xuân Thắng, Phó Hiệu trưởng Hìu bơsram kấp hai Lê Qúy Đôn, pà gi\t:

 

“Klau pơgru Y Srơm là dùl nă cau kòn bơh kòn cau M’nông dê, tu\ rê bơto tàm hìu bơsram Lê Qúy Đôn den klau pơgru neh lơh ngan tàm broă lơh. Tàm broă bơto sră, den klau pơgru sùm lơh jơh niam kơnòl broă bơh he dê mờ sùm geh kơnòm bơsram bal mờ cau pơgru bal pin dờn kờn gơboh. Xã Xuân Trường geh 12 kòn cau ơm kis mờ uă ngan là cau M’nông.

 

Bơta kal ke bè dà đơs là bơta kal ke ngan rlau jơh. Dilah tàm hìu bơsram geh cau pơgru kòn cau tàm tiah do den là gơ [ươn ngan ai broă bơto bơtê bơh hìu bơsram dê”.

 

          Ală ngai do, uă rơnàng kơnòm bơsram tàm gùt lơgar gam chờ gờm wa\ rò Ngai Cau pơrgu Việt Nam 20/11. Gơ wèt mờ klau pơgru Y Srơm, phan pà kuơmàng ngan rlau jơh hơ\ ngan là sền go\ kơnòm bơsram he dê pah ngai tơryang tơryồng lòt bơsram!

 

                                                  Cau cih mờ yal tơngit- Lơ Mu K’Yến