VOV4.K’ho-Mpồl Đảng là bơnàng jă Đảng dê, là mpồl cau tờm lơh broă chính trị tàm kơnă hơđơm. Chủ tịch Hồ Chí Minh neh geh tu\ đơs ngan: “Nàng đơng lam kăc màng Đảng pal pràn, Đảng pràn là bơh chi bộ niam”. Den tàng bè hơ\, tơnguh uă pràn jak đơng lam mờ pràn tam lơh bơh ală mpồl đảng dê tàm tơngai do neh geh ală tiah sền dờng màng ngan.

Tàm càr Gia Lai ală mpồl đảng geh ală tam gơl pa, tơnguh uă cồng nha lơh broă mờ neh geh uă broă lơh niam, ngan là tàm bơtàu tơnguh lơh sa- mpồl bơtiàn. Broă lơh “Dùl nă đảng viên dong dùl hìu r[ah” là bơta àng tàm bơ\t bơtàu Đảng tàm xã tiah sar lơgar ngài Ia Piar, kơnhoàl Phú Thiện, càr Gia Lai.

Hìu bơnhă bi Ksor Luân là hìu r[ah kal ke ngan rlau jơh bơh [òn Mơ Nai Trang, xã Ia Piar, kơnhoàl Phú Thiện, càr Gia Lai dê. Gi\t geh broă gơlik geh, bơh lồi nam 2016, Đảng ủy xã Ia Piar jàu đảng viên Ksor Amliu, cau atbồ thôn Mơ Nai Trang in dong kờl hìu bơnhă bi Luân bơtàu tơnguh lơh sa.

                   Đảng viên Ksor Amliu (àu bò) dong hìu bơnhă bi Ksor Luân bơtàu tơnguh lơh sa

Dờp kơ nòl broă, đảng viên Ksor Amliu, cau atbồ thôn jơh nùs ngan dong kờl Ksor Luân bè jơh ală bơta. Bơh dong kờl priă lơh sa tus bơto pơlam bơta chài lơh broă lơh sa. Kơnờm bè hơ\ mờ tơnơ\ 3 nam, lơh sa bơh hìu bơnhă bi Ksor Luân dê neh geh uă bơta tam gơl niam.

Bi Luân neh gi\t broă lơh sa, gi\t tềm pềr, tơrgùm priă jền blơi ù lơh kòi sre, tam bùm blàng, ròng kơnrồ. Tu\ do, ờ mìng lơh geh tơl phan sa lơm, bi Luân neh lơh geh dùl nơm hìu jơh mờr 300 tơlak priă. Bơta tam gơl bè bồ tơngoh, broă lơh neh dong bi Luân klàs bơh r[ah kơ\ kơl jăp.

Lài do, den a` bòl glar kal ke ngan, lơh sa ờ geh mơya tu\ do den ưn ngài cau atbồ thôn mờ Đảng ủy xã neh dong hìu bơnhă bol a`, ai tơl bơta lơh sa, tu\ do kung neh tơl ngui tơl sa đau. A` kung kơ\p kờ` ală hìu bơnhă ndai lơh jat a`, pal lơh ngan pơđơl pràn, pal lơh sa, pal brồ guh klàs bơh r[ah, pal să tờm is he dê lơh ngan sơrlèt gan.

{òn Mơ Nai Trang là [òn tiah 3, [òn kal ke ngan rlau jơh bơh xã Ia Piar dê. 100% hìu làng bol tàm [òn là cau Jarai mờ tu\ do gam mờr 70 hìu là hìu r[ah. Đảng viên Ksor Amliu, cau atbồ thôn Mơ Nai Trang pà gi\t, nàng dong ală hìu r[ah bơtàu tơnguh lơh sa, klàs bơh r[ah kơ\ kơl jăp, Đảng ủy jàu đảng viên tàm tiah hơ\ in dong kờl hìu r[ah. Tài bơh đảng viên bơh [òn dê dùl êt nă lơm, Đảng ủy ai tai ală đảng viên ưu tú bơh gah gơnoar atbồ, mpồl cau rê tus [òn dong ală hìu r[ah.

Broă jàu bơh Đảng ủy, Ủy ban xã dê là tơl nă đảng viên là dờp mờ dong kờl dùl hìu r[ah. Đảng ủy jàu lơh broă tàm thôn là 18 hìu r[ah, mơya tàm thôn geh 5 nă đảng viên lơm, ai tàm xã den là 13 nă tus tàm thôn Mơ Nai Trang nàng dong kờl hìu r[ah.

Geh tu\ là geh bal Phó Chủ tịch UBND xã, kuang bàng hơ\ kung tus tàm do pah poh sơl, bơto tơngkah hìu r[ah tam gơl broă lơh sa, dong kờl khi in, bơto pơlam khi in bơh tơl broă dềt rơhền.

Ală đảng viên ưu tú geh sac rwah ndrờm lơh niam gơnoar broă he dê. Bè đảng viên Trần Văn Dũng, kuang bàng cau ling sồt să mpồl bơtiàn xã Ia Piar dê geh Đảng ủy xã jàu rê tus [òn lơgar dong kờl hìu r[ah bi Ksor Gher, dùl hìu bơnhă r[ah bơh [òn Mơ Nai Trang dê.

                       Đảng viên Trần  Văn Dũng (àu bò) dong hìu bơnhă bi KSor Gher

Đảng viên Trần Văn Dũng pà gi\t, tu\ geh jàu kơnòl rê tus [òn dong hìu r[ah, să tờm bi sền he bè là cau tàm hìu bơnhă bơh hìu geh jàu kơnòl dê. Mờ nàng dong kờl hìu r[ah geh gùng dà kơ\ kơl jăp, bi ơm bal, sa bal, lơh broă bal tàm [òn tàm uă ngai sùm. Broă dong kờl pal gơ jat bal mờ bơta cồng nha, geh kuơ ngan ngồn.

A` tus tàm do den ơm bal, sa bal, lơh broă bal mờ hìu r[ah, ơm rềp mờ làng bol nàng gi\t geh bơta gơlik geh bơh làng bol dê, kal ke bơh làng bol dê bè lơi nàng dong kờl di tu\ halà dan dong kờl di tu\ ai làng bol in. Nàng bơh hơ\, làng bol ngai sơlơ geh gùng dà, bơta pràn, bơta jak nàng bơtàu tơnguh lơh sa hìu bơnhă.

Là xã tiah sar lơgar ngài, geh khà làng bol kòn cau mờ khà hìu r[ah uă, ală nam do, Đảng bộ xã Ia Piar kơlôi sơnơng sùm bè broă lơh bè lơi nàng dong ală hìu làng bol klàs bơh r[ah kơ\ kơl jăp.

Tàm tơngai lơh broă do, Đảng ủy xã gi\t, pal tam gơl pa broă lơh mờ ngui niam gơnoar broă bơh đảng viên dê tàm broă lơh tơn jơgloh tơrmù r[ah là kơnòl broă kuơmàng ngan, là kơnòl broă tờm.

Jơnau kơlôi sơnơng ai đảng vê rê tus [òn lơgar dong hìu r[ah sơrbac mhar geh sac rwah mờ broă lơh “Dùl nă đảng viên dong dùl hìu r[ah” geh Ban Thường vụ Đảng ủy xã Ia Piar ring bal lơh geh Nghị quyết lơh bơh lồi nam 2016 tus tu\ do.

Ồng Rmah Suen, Phó Bí thư Đảng ủy, Chủ tịch UBND xã Ia Piar pà gi\t, ală đảng viên ưu tú geh sac rwah nàng dong kờl ală hìu r[ah. Lài ngan, xã sac rwah bàr pe [òn mờ bàr pe hìu r[ah nàng lơh lài.

Tus tu\ do, neh geh mờr 170 nă đảng viên geh jàu rê tus ală [òn. Cồng nha là loh làng ngan tu\ neh geh uă hìu klàs bơh r[ah kơ\ kơl jăp mờ xã lơh ngan nam 2018 do geh 7% hìu r[ah, ndrờm mờ pơgăp 120 hìu geh klàs r[ah.

Xã pal tam gơl, tam gơl pa broă lơh tơn jơgloh tơrmù r[ah. Đảng ủy xã neh sồr UBND, kuang bàng tàm ủy ban mờ ală mpồl cau kờp sền wơl jơh ală hìu r[ah kal ke. Dơ\ bàr là jàu đảng viên tàm xã in, ală cau ưu tú, geh bơngă pin dờn tàm đảng viên pal dong kờl khi. Bal mờ ală anih duh broă chính trị bơh thôn dê lơh bal nàng lơh bè lơi khi gi\t geh, khi sơrlèt gan is klàs bơh r[ah.

Tơn jơh 30 nam tam gơl pa, Đảng pơn jat tai đơs ngan: “Bơ\t bơtàu Đảng là kơnòl broă tờm, kơ nòl broă kis gơs tàm jơh ală broă lơh kăc màng; Đảng pal sùm tam gơl pa is, lơh niam wơl is, sền do là bơta pal jat kis gơs mờ bơtàu tơnguh bơh Đảng dê”.

Tàm xã tiah sar lơgar ngài Ia Piar neh pà go\, bơta tam gơl pa bơh gơnoar broă đơng lam bơh mpồl đảng [òn lơgar dê neh lơh gơrềng tus ală đảng viên mờ cèng wơl cồng nha geh kuơ ngan tàm broă lơh tơn jơh jơgloh tơrmù r[ah.

Bal mờ broă ngui ală bơnah priă, ală broă lơh, broă dong kờl bơh Dà lơgar dê, den gơnoar broă bơh mpồl Đảng dê mờ tơl nă đảng viên dê tàm [òn lơgar neh geh lơh niam. Do là bơnàng jă kuơmàng nàng xã tiah sar lơgar ngài Ia Piar bơtàu tơnguh.

Cau mblàng Lơ Mu K’Yến