VOV4.K’ho-Ală nam rềp ndo, sơmờm bơta lơbơn lơhơ nùs mhar pin dờn bơh làng bol dê, bol iơh neh pơrlồm pơn jồ hoài jà bàr pe nă cau kòn cau lơh gơlik bơta tung lơtăng, dô kơ`au gan nhàr lơgar tìs mờ kơrnoat boh lam tus tàm lơgar Campuchia.

Tu\ đal gi\t geh hơ\ là ală broă lơh tìs mờ kơrnoat boh lam, lơh aniai rài kis ờs mờng bơh làng bol [òn lơgar dê, khi neh wơl rê wơl hờ [òn lơgar tờm mờ jơh nùs ngan mblàng yal làng bol in ba` dờn, ba` iat jat jơnau đơs bơh bol iơh dê, hòi jà ală cau neh rlau lòt tìs gùng tìs dà rê wơl mờ rài kis [òn lơgar.

Tài bơh ờ geh bơta gi\t wa\ mờ neh rlau iat jat bol iơh, ồng Siu Bler (măt hòi ndai là bèp Lan) ơm tàm [òn Al Moih, xã Ia Pết, kơnhoàl Đak Đoa, càr Gia Lai neh pal sơrlèt gan ală ngai nhai bòl glar kal ke ngan dô pồn tàm brê kròng tu\ jòi gùng dô gan nhàr lơgar tus lơgar Campuchia.

Uă ngai sùm ồng bal mờ bàr pe nă cau ndai pal sa bùm blàng, sa ju brê nàng kis. Kah wơl ală ngai nhai hơ\, ồng Siu Bler muăt jrùm ngan mờ đơs: ờ go\ di mìng dùl nă să he lơm bòl glar kal ke ờ, mờ tàm hìu ờ geh cau lơh broă, pơ ùr pal lơh ngan pơđơl pràn à` ơnòng jơh ală broă kơn jơ\ kơn ju\t tàm sươn mìr mờ ròng siam sền gàr 7 nă kòn dềt.

Jat jơnau hàm kờ` pas sơm, ờ duh pal lơh broă mờ mìng ơm gời sa gời lơm, jơnau mìng geh tàm mpau lơm, tài bơh ờ tơl bơta gi\t wa\ mờ ồng neh lơh hìu bơnhă he dê bơh rài kis tơl ngui tơl sa gơ tus wơl r[ah lơ ời bòl glar kal ke ngan.

Đảng, Dà lơgar sùm sền gròi dong kờl bè bơtàu tơnguh lơh sa, sền gròi dong kờl rài kis nùs nhơm nàng dong ai làng bol [òn lơgar sơlơ bơtàu tơnguh, hờm ram, bè hơ\ mờ a` gơlơh bơngơl gơ la ngan pin dờn wơl ală jơnau đơs pơrlồm pơn jồ bơh bol pơrlơ\ dră mờ dà lơgar dê nàng lơh ală broă tìs ờ di ngan, geh tìs mờ jơh ală làng bol [òn lơgar mờ hìu bơnhă. Sang lời pơ ùr, oh kòn, lời sơrbì sươn mìr, he là cau tờm hìu bơnhă mờ ờ geh wơl mat tàm hìu.

Tu\ do wơl rê wơl să ja` den gơtìp kòp jê sùm, hìu den r[ah, lơh bòl pơ ùr, bòl kòn in lơm. A` kơ\p kờ` jơh tơl nă cau ba` gơlơh bè a` do, ală cau gam dô pồn tàm brê pal wơl rê wơl nàng geh dờp bơta toh glài bơh kơrnoat boh lam dê.

Kung ndrờm bè Siu Bler sơl, iat jơnau đơs bơh bàr pe nă cau pơrlồm, pơn jồ dê, ồng Jo ơm tàm [òn Brông Goai, xã Ia Pết, kơnhoàl Đak Đoa neh dô tus lơgar Campuchia mờr 3 nam lài. Geh dong kờl ai rê wơl hờ [òn lơgar tờm tàm bồ nam do, ồng dil màl ngan broă lơh neh rlau lơh tìs bơh să tờm dê, iang nùs bal mờ pơ ùr mờ oh kòn lơh broă lơh sa. Hìu ồng Jo dê tu\ do bềng jơnau `o\ nhơl tàm kờ` gơboh bal lơm.

Geh gơnoar atbồ tiah do mờ anih lơh broă kuang àng sơ`io yal ală broă lơh tìs, geh kơrnoat boh lam mờ làng bol toh glài, a` sền go\ a` bơtuah ngan. A` ờ go\ iat jat tai jơnau pơrlồm pơn jồ bơh bol iơh dê tai, gi\t kong bòl glar kal ke lơh broă lơh sa nàng dong pơ ùr oh kòn.

Rê wơl mờ [òn lơgar, ală cau lài do neh rlau lòt tìs gùng geh làng bol toh glài, gơnoar atbồ tiah do dong kờl ai tơl bơta nàng mhar kis gơrờm bal wơl mờ làng bol [òn lơgar. Uă broă dong kờl, bơtàu tơnguh uă rài kis ai làng bol in, bè dong kờl priă lơh sa, bơto pơlam bơta chài ròng phan, tam phan, dong làng bol kơ\ kơl jăp rài kis, bal mờ gơ\p bơtàu tơnguh lơh sa. Trung tá Trương Kim Vũ, Kuang àng kơnhoàl Đak Đoa, càr Gia Lai pà gi\t.

Ală cau bè bèp Lan, tơnơ\ tu\ rê wơl den gơnoar atbồ tiah do neh dong kờl ai tơl bơta, geh ală broă dong kờl ai khi in bè bảo hiểm nàng sền gròi bơta pràn kơldang să jan mờ ai càn priă lơh sa nàng khi in lơh niam wơl hìu đam, blơi chi tam, phan ròng…Khi neh kơlôi rơcang tàm broă lơh bơtàu tơnguh lơh sa, mơkung đơs ai làng bol in sền go\ geh ală broă lơh tìs ờ niam bơh bol Fulro dê, bơh hơ\ nàng ờ gơtìp cau pơrlồm, pơn jồ tai.

Pin dờn là, mờ broă dong kờl toh glài bơh Đảng, Dà lơgar dê, mờ bơta sền gròi dong kờl bơh gơnoar atbồ tiah do mờ làng bol [òn lơgar dê, ală cau mờ lài do neh rlau lòt tìs gùng tìs dà rê wơl mờ [òn lơgar, hồ tă jơh geh bơta bàs sìl, kis gơrờm bal wơl mờ hìu bơnhă, [òn lơgar mờ lơh wơl rài kis niam bơne\ tàm ù tiah mè kờ` gơboh rềp mềl ngan.

Cau mblàng Lơ Mu K’Yến