VOV4.K’ho - Nàng bơtàu tơngguh git wa\,  kơnòl sền gàr tiah kis, prap gàr,  bơtàu tơngguh  ala\ bơta kuơ bơhìan chài rgơi bơh ala\ kòn cau gam ơm kis tàm Tây Nguyên, ai tơlik ala\ jơnau geh  tơlik, broa\ lơh nàng pơ gồp  bal bơt bơtàu tiah Tây Nguyên tơlir- kloh - niam bal mờ bơtàu tơngguh nhơl chờ kơljap tàm [òn dờng Kon Tum, Bộ Văn hóa, Thể thao mờ Du lịch neh bal mờ UBND càr Kon Tum bơyai lơh cri tơr`a khoa học  bơtàu tơngguh nhơl chờ bal mờ sền gar tiah kis  tàm Tây Nguyên.

            Tiah Tây Nguyên, geh 5 càr: Lâm Đồng, Dak Nông, Dak Lak, Gia Lai mờ Kon Tum, ta\ pơ gồp tàm 13% tàm gơguh bal bơh gah nhơl chờ gùt lơgar dê. Geh  phan bơna  mờ trồ tiah geh is geh lài,  tiah do gam geh ua\ ngan ù tiah phan bơna geh is pơnrơ niam ngan, phan kis, chi brê li la mờ ua\ ngan tiah sền gàr phan bơna geh is,   brê dà lơgar, la  ù tiah ơm kis bơh 47 jơi  bơtìan kòn cau oh mi mờ ala\ bơta kuơ bơta niam chài krơi is lơh geh ua\ ngan bơhìan chài rgơi niam ngan… Do la ala\ bơta pràn  tàm bơtàu tơngguh nhơl chờ tàm Tây Nguyên. Mò Nguyễn Thị Nguyên, atbồ Sở Văn hóa, Thể thao mờ Du lịch càr Lâm Đồng,  càr geh broa\ lơh nhơl chờ bơh trồ tiah phan bơna geh is bơtàu tơngguh rlau jơh tàm  ala\ càr kơh bơnơm do, đơs tờm,  kờ` lơh geh bơtàu tơngguh nhơl chờ kơljap den pal sền gàr tiah kis:

            Nàng geh dùl nhơl chờ bơtàu tơngguh geh ai go\ bơta kơljap den  bơta lài jơh la bol he pal sền gròi tus  broa\ sền gàr phan bơna tiah kis geh is. Tài dilah ờ gam phan bơna trồ tiah geh is  den bol he ờ gam geh bơta tam pơr lòng mờ ờ geh ala\ bơta  nhơl chờ krơi is tàm Dà Làc đơs is mờ Lâm Đồng đơs bal.

            Tềng ala\ bơta tiah kis tàm Tây Nguyên gam gơbàn ờ niam mờ ala\ bơta gơbàn nền nòn ngan, bè: tiah kis phan bơna geh is,  chi che mờ phan geh is slơ ngai slơ gơbàn bơklơn, khà dà, ù, nhơm ta\ gơbàn bơ\, bơta tơnhàu, ngui ua\ ir ala\ phan  bơna geh is geh lơh  ù tiah phan bơna tiah kis gơbàn aniai, phan kis, chi che tàm ala\ tiah sền gàr brê, brê dà lơgar gơbàn tam gơl hala gơmù, ala\ brê dờng  la tiah geh huềng sòan tàm rài kis chài rgơi  bơh cau Tây Nguyên gam gơbàn roh rhời… Ồng Hà Văn Siêu, Phó kuang atbồ Tổng cục du lịch-Bộ văn hóa, Thể thao mờ Du lịch đơs la,  gơnoar atbồ mờ gah lơh broa\ geh gơnoar ala\ càr tàm Tây Nguyên pal la la cau tờm ngan lơh bơta  tam klac bal nàng sền gàr tiah kis:

            Bè tiah kis gơ cèng wơl bơta kuơ jo\ jòng, di gơlan la tềng đap mat he ờ sền go\. Den tàng, pal geh bơnga\ bơh gơnoar atbồ, bơh ala\ anih lơh broa\ dà lơgar nàng lơh  geh ala\ bơta pràn,  pràn nàng ala\ mpồl lơh sa ka\ bro lơh broa\ bal. Dilah ờ  ala\ mpồl lơh sa ka\ bro mìng lơh bal ala\ bơta go\ tềng đap mat mờ ala\ bơta tềng đap mat den ờ hềt đơs tus tiah kis. Tàm do,  geh dùl broa\ lơh la lơh geh ala\ mat sơnđan bè  tiah kis lơh tus ala\ mpồl lơh sa ka\ bro di lah pơrgon tus bal den ala\ sơnđan do ngan la  lơh broa\ bal nàng sền gàr tiah kis.

            Bal mờ 29 jơnau tơr`a bal, 14 jơnau  đơs bơh ala\ cau jak, cau atbồ geh đơs tàm dơ\ pơrjum cri bơyai khoa học  bơtàu tơngguh nhơl chờ bal mờ sền gàr tiah kis tàm Tây Nguyên ai go\,  nàng bơtàu tơngguh geh nhơl chờ bal mờ sền gàr tiah kis tàm tiah do kờ` geh bơta tus bal bơh gơnoar atbồ, mpồl lơh sa ka\ bro, mpồl bơtìan mờ bơh  bal mờ cau nac tus. Pal  rơndap broa\,  bơtàu tơngguh geh ala\ phan bơna nhơl chờ,  anih tus nhơl chờ niam krơi ngan bal mờ phan bơna geh is, đềt mềr  bal mờ mờ bơhiàn chài rgơi kòn cau bơh yau. Geh  dong lài, pơnjờng ala\ broa\ lơh bơtàu tơngguh nhơl chờ phan bơna geh is, nhơl chờ mpồl bơtìan, nhơl chờ geh kơnòl, nhơl chờ bal mờ lơh sa suơn sre, nhơl chờ rềp mềr mờ tiah kis. Đơs lah ala\ broa\ lơh,  broa\ lơh nhơl chờ ờ geh tiah kis. Sùm ngui ala\ công nghệ cao  ngac ngar, rềp mềr mờ tiah kis tàm bơtàu tơngguh nhơl chờ. Tơngguh broa\ lơh bal  bơh ala\ gah,  ala\  [òn lơgar tàm sền gàr tiah kis.

                                    Cau cih Khoa Điềm, cau mblàng K’ Brọp