VOV4.K’ho- Drim do ngai 08/10, tàm Hà Nội, Bộ Nông nghiệp mờ Phát triển Nông thôn bơyai lơh pơrjum pờ tơlik tơn tàm internet bè “Bơtàu tơnguh ròng phan ală nhai lồi nam 2021 mờ lam lơh broă rơndap lơh nam 2022”. Kong mờ uă ngan bơta kal ke, bơta lòng bè: kòp Covid-19 tàm kòn bơnus mờ kòp tàm mpồl phan ròng gơlik geh kal ke; drà tăc phan kal ke tàm tŭ giă phan sa ròng phan gơguh uă mơya priă lơh geh bơh gah ròng phan dê kờp dŭ kung gam gơguh 4,2% pơndrờm dùl tŭ bal mờ nam lài. Jat hơ̆, 9 nhai do, kờp jơh khà poăc ờ hềt lơh poăc tăc kờp dŭ lơh geh rlau 4 tơlak 700 rơbô tấn; rlau 12 tơmàn nai tăp mờ mờr 900 rơbô tấn dà toh...

Jat jơnau đơs bal, gah ròng phan ală nhai lồi nam pơn jat tai kong mờ uă ngan bơta kal ke kờñ pal tă bơsong, ngan là broă pơndiang, jun phan bơna mờ phan bơna drơng broă ròng phan nàng gàr niam mpồl phan ròng mờ ròng wơl mpồl phan ròng, mơkung gàr niam broă tăc phan bơna di mờ jơnau kờñ ngui ală nhai lồi nam dê, di dơ̆ sa tềp dà lơgar mờ dùl bơnah broă drơng broă tăc phan mờ lơgar ndai.

Cau mblàng K’Hạnh