VOV4.K’ho- Ngai òr 11/12, pơrjum dơ\ 29, Ủy ban Thường vụ Quốc hội khoá 14 sền swì mờ lơh nền broă bơtơl blơi bơtơl phe ơn prăp dà lơgar; Ai jơnau đơs bè broă lơh Nghị quyết bè broă lơh ràng tơlik mờ Ai jơnau đơs bè lơh jat bàr pe jơnau sồr bè bơta dong kờl, gùng dà broă lơh gơ wèt mờ anih lơh broă lơgar Việt Nam tàm lơgar ndai.

Ủy ban Thường vụ Quốc hội ring bal bơtơl 460 tơmàn bơh bơnah priă rơcang lài kes priă dà lơgar nam 2018 nàng blơi bơtơl 43 rbô 98 tấn phe neh ai nàng dong kờl. Bơtơl 158 tơmàn priă ai Bộ Nông nghiệp mờ Phát triển Nông thôn in nàng blơi bơtơl 9 bơta phan sơnơm phan ròng ai tơmu\t tàm phan ơn prăp dà lơgar in.

Lài hơ\, Ủy ban Thường vụ Quốc hội neh ai jơnau đơs sền swì, ring bal rơndăp broă lơh Kơrnoat tam gơl, bơtơl bàr pe bơta bơh ală kơrnoat geh gơrềng tus rơndăp tăp sèng. Ủy ban Thường vụ Quốc hội jàu Ủy ban Lơh sa lơh gơs rơndăp cih kơrnoat mờ ring bal ală broă geh gơrềng.

Cau mblàng Lơ Mu K’Yến