VOV4.K’ho- Drim ngai 23/7, ồng Vương Đình Huệ- Chủ tịch Quốc hội đơng lam pơrjum mờ ală mpồl lơh broă, Bộ, gah sơnah lơh broă geh gơrềng nàng kờñ kờp sền wơl ală broă lơh, sền sơwì, ai bơta mờng chài broă bơyai lơh pơrjum tơnơ̆ 4 ngai lơh broă sơnrờp.

Bơh dơ̆ cribơyai tàm pơrjum do dê, tàm tơngai kòp Covid-19 gam gơlik geh kal ke tàm uă tiah, uă Kuang bàng Quốc hội neh sồr Quốc hội pal tơngŏ nùs nhơm bè lơh jat ală jơnau pơndŭt, Chỉ thị bơh Bộ Chính trị, ală Công điện bơh Thường trực Ban Bí thư dê mờ lòt bal mờ Chính phủ tàm broă lơh rcang sơndră kòp Covid-19. Chủ tịch Quốc hội ồng Vương Đình Huệ ring bal, Quốc hội geh ờ ai ngui bàr pe Nghị quyết is bè rcang sơndră kòp Covid-19 mơya geh yal mờ Quốc hội in bơtơ broă lơh pơrjum dơ̆ 1 bè tơngume do dê. Chính phủ geh cih sră yal, anih lơh broă bơh Quốc hội lơh dơ̆ lùp sền wơl nàng Quốc hội in sền sơwì, cribơyai mờ ai tơngume do tơmut tàm Nghị quyết bal bơh Pơrjum dơ̆ dùl dê, pờ tê ring bal tàm lồi dơ̆ pơrjum dê.

Cau mblàng K’Hạnh