VOV4.K’ho - Mang òr (25/11), tàm hìu đơs crih dờng Hà Nội, Uỷ ban Dân tộc đơng lam bơyai lơh pơn jờng kơnòm bơsram, cau bơsram dờng kòn cau bơsram jăk, geh pơnrơ nam 2018.

Đơs tàm dơ\ pơn jờng, Ủy viên Bộ Chính trị, Phó Thủ tướng Thường trực Chính phủ ồng Trương Hòa Bình đơs tòm, Đảng, Dà lơgar he sùm drơng gàr tơnguh bơtàu broă bơto bơtê mờ bơsram tiah làng bol kòn cau kơh bơnơm.

Ồng Trương Hoà Bình sồr ală cấp uỷ đảng, gơnoar atbồ bal mờ mpồl lơh broă pơn jăt tai sền gròi, drơng gàr phan bơna, nùs nhơm. Lam sồr ală mpồl lơh sa kă bro, ală cau geh nùs nhơm niam tus bal mờ hìu bơsram, hìu nhă dong kờl, ai tơl bơta niam ngan ală kơnòm bơsram mờ ai broă tơnguh bơtàu broă bơto bơtê mờ bơsram tiah làng bol kòn cau kơh bơnơm.

Dà lơgar bal mờ ală mpồl lơh broă, ală anih lơh sa kă bro pal pơgồp bal, bơ\t bơtàu ală broă lơh, bơto bơtê, tơwèt broă lơh, bơyai lơh broă sa, ai broă lơh kờ` lam sồr ơruh pơnu kòn cau mu\t lơh broă.

Cau mblàng Ndong Brawl