VOV4.K’ho – Tàm tu\ uă bă brê tàm càr Daknông gơtìp koh kơl aniai uă ngan den bă brê tàm tiah nhàr dà lơgar kơnhoàl Tuy Đức, bơh Kong ti TNHH MTV Lâm nghiệp Nam Tây Nguyên atbồ mờ sền gàr den gam hòn mờ gơs niam ngan. Gơtùi geh bơta hơ\ là tài bơh geh bơta lơh broă bal niam ngan đah cau tờm brê mờ gơnoar atbồ, mpồl lơh broă geh gơnoar tàm [òn lơgar:

Dơ\ lòt sền sền gàr brê bơh Phân trường sồ 2, Kong ti TNHH MTV Lâm nghiệp Nam Tây Nguyên geh sơn đờm lơh bơh àng drim gờ` ngan. Mpồl sền gàr do geh 5 nă cau lơh broă.

Bơdìh phan bơna dong kờl, mai\ mok kuơ màng, pah tu\ lòt sền, ờ kờp ngai halà mang, khi ndrờm cèng piang, khàr dà, sơnơm tơmba rơcang gàr lài.

Bi Lương Đình Việt neh rlau 10 nam đềt mềr mờ broă lơh do pà git: Mpồl sền gàr sồ 2 geh kơnòl sền gàr 4 tiểu khu là 1465, 1466, 1477 mờ 1487 mờ atbồ, sền gàr rlau 8 rbô 300 lồ brê tàm khà rlau 20 rbô lồ. Bulah ù tiah atbồ mờ sền gàr ơnàng, mpồl lơh broă den ờ geh uă cau, broă lơh bòl glar, mơya oh mi kung gam đềt mềr mờ brê: “Lài ngan bè broă lơh pah ngai den àng drim lơi kung sồr oh mi lòt lơh broă lơm. Tàm ală bơnah brê gơwèt tiểu khu mờ he atbồ sền gàr, den digơlan lòt sền jơh bal ngai mờ mang. Bè bơta dong kờl den geh kong ti dong kờl priă sa, priă xăng rơndeh lòt rê, pah nam den geh pơrgon ơpah rơndeh, sền gàr cau lơh broă niam bal mờ bơta kờ` gơboh broă lơh den tàng oh mi bol a` iang nùs ngan lơh broă.”

Kong ti TNHH MTV Lâm nghiệp Nam Tây Nguyên tu\ do atbồ, sền gàr rlau 20 rbô lồ brê geh is, gơwèt xã Quảng Trực, kơnhoàl Tuy Đức, càr Daknông. Do là tiah rềp nhàr mờ càr Bình Phước, mờ ù tiah dờng ơnàng, kơh bơnơm kal ke. Lài do sùm gơlik geh ală dơ\ koh kơl aniai brê, sơ gràm ù tam sền gàr brê, ting mòc phan brê tìs mờ adat boh lam.

Ồng Phạm Hoà Dũng, Kuang atbồ Kong ti pà git: Tơngai bơh nam 2010 tus nam 2015 sùm gơlik geh ală dơ\ koh kơl aniai brê, mờ git nđờ rhiang lồ brê gơtìp koh kơl aniai, uă ngan là tài ală hìu bơnhă làng bol bơh ală kơnhoàl Bù Đăng, Bù Gia Mập, càr Bình Phước tus sơ gràm ù nàng tam phan. Pơgap 2, 3 nam do, broă lơh atbồ sền gàr brê bơh kong ti dê neh geh lơh uă rlau tai, mờ broă crơng gơs 5 phân trường mờ 1 trạm sền gàr sinh học.

Bal mờ hơ\, broă lơh tam brê ala geh sền gròi uă, mờ rlau 100 lồ brê tam sơngka sền gàr nam dơ\ 3 hòn mờ gơs niam ngan. Ồng Phạm Hoà Dũng đơs tờm: Kơnờm geh bơta lơh broă bal krè` cê mờ gơnoar atbồ bal mờ mpồl lơh broă geh gơnoar tàm [òn lơgar den tàng brê geh sền gàr niam ngan, uă bă brê gơtìp koh kơl aniai gam hòn gơs wơl:

“Kong ti git, kờ` lơh geh cồng nha den kờ` pal geh bơta lơh broă bal mờ uă anih, ngan là gơnoar atbồ tàm [òn lơgar. Pơn yơu bè sền tàm să cau geh phan lơi, sră pơ àr cèng tàm să den kong ti ờ geh kơnòl pal sền sơwì, mờ mìng gơnoar atbồ tàm [òn lơgar gơtùi lơh broă do. Tơnơ\ do, tu\ geh quyết định sồ 44 bơh UBND càr dê bè kơnòl bơh cau tờm brê mờ gơnoar atbồ tàm [òn lơgar dê den broă pơgồp bal kơnòl đah cau tờm brê mờ [òn lơgar loh làng ngan, 1 mpồl lơh broă geh kơnòl den tàng sồr [òn lơgar pal tus bal.”

Xã Quảng Trực, kơnhoàl Tuy Đức, càr Daknông geh bă ù geh is rlau 56 rbô lồ, tàm hơ\ uă ngan là brê mờ ù tam sơngka sền gàr brê. Ồng Đoàn Hồng Quân, Chủ tịch UBND xã pà git: xã geh uă kong ti, mpồl lơh sa kă bro geh dà lơgar jàu atbồ sền gàr brê, den tàng broă lơh pơgồp bal đah gơnoar atbồ mờ ală cau tờm brê sùm geh sền gròi uă ngan:

“Tu\ geh ală bơta gơlik geh bè sơ gràm brê, ù, halà koh kơl dơm chi tìs mờ adat boh lam den gơnoar atbồ xã, bulah cau lơh broă ờ uă mơya kung pal dong kờl ală anih lơh broă, mpồl bal, kong ti in. Gơwèt mờ Kong ti Lâm nghiệp Nam Tây Nguyên den pah nam ală broă gơlik geh nisơna tu\ kong ti yal den [òn lơgar sồr mpồl lơh broă tus nàng dong kờl kong ti in, kờ` bơsong broă gơlik geh. Bơta pơgồp bal do nam lơi kung geh sền gròi cribơyai, dong kờl bal mờ gơp.”

Jat Kuang àng kơnhoàl Tuy Đức, càr Daknông, jơnau digơlan sơ gràm ù brê tàm kơnhoàl kung gam uă. Mìng tàm 3 nhai bồ nam do, kuang àng kơn hoàl neh pơ gồp bal mờ ală mpồl lơh broă ndai kơryan 56 hìu bơnhă làng bol tàm xã Dak Ơ, kơnhoàl Bù Gia Mập, càr Bình Phước tus sơ gràm ù tàm tiểu khu 1500, 1504 gơwèt bơnah brê bơh Kong ti TNHH MTV Lâm nghiệp Nam Tây Nguyên dê.

Bơdìh mờ broă lùp khàu, lơh glài krà` ală broă lơh tìs, kuang àng 2 kơnhoàl rềp nhàr neh pơgồp bal mblàng yal, lơh ngan dong kờl Kong ti Nam Tây Nguyên tàm broă lơh atbồ mờ sền gàr brê.Thượng tá Dương Danh Quế, kuang atbồ Kuang àng kơnhoàl Tuy Đức pà git:

“Tàm 3 nhai bồ nam 2018 den mpồl kuang àng kơnhoàl neh pơgồp bal mờ Kong ti Nam Tây Nguyên tơr gùm lùp khàu 3 broă lơh tìs, 4 nă cau lơh tìs tàm hơ\ geh 2 broă lơh aniai brê, 1 broă koh kơl chi brê. Kuang àng kơnhoàl kung ai 1 mpồl lơh broă tàm xã Quảng Trực sùm pơgồp bal mờ kong ti Nam Tây Nguyên lòt sền, sền gròi tơl broă lơh tìs adat boh lam tàm gah sền gàr brê, ngan là tàm ală ngai sa tềp, ngai chờ, broă lơh hòi jà làng bol lah yă cau tìs bè atbồ, sền gàr brê neh geh lam lơh mờ geh lơh jat sùm.”

Tàm ală nam do, brê tàm Tây Nguyên sùm gơtìp koh kơl aniai; mơya tam tuh kơ nòl; geh tu\ cau tờm brê gam dong kờl broă koh kơl aniai brê kờ` ai geh bơta kuơ ờ dipal. Mơya tàm kơnhoàl Tuy Đức, càr Daknông, brê bơh Kong ti TNHH MTV Lâm nghiệp Nam Tây Nguyên dê den geh atbồ mờ sền gàr kơ\ ngan mờ gam hời rơ hời hòn gơs niam wơl.

Hơ\ là cồng nha bơh broă lơh pơgồp bal niam ngan đah cau tờm brê mờ gơnoar atbồ, gah lơh broă geh gơnoar tàm tiah do dê.

                                                                    Cau cih mờ yal tơngit K’Duẩn