VOV4.K’ho - Tài ờ hềt cih geh măt hìu nhă, ờ hềt lơh [òn lơgar, broă lơh gùng dà ờ hềt geh bơta lơi, den tàng broă drơng gàr bơsram sră oh kòn in bơh 180 hìu làng bol kòn cau tàm Tiểu khu 249 gơwèt xã Ea Lê, kơnhoàl tiah nhàr dà lơgar Ea Soup, càr Dak Lak gam uă kal ke.

Bơh nam 2003, g^t nđờ 10 hìu làng bol kòn cau bơh tiah kơh bơnơm đah tô dà lơgar ntrờn tus ơm kis tàm Tiểu khu 249, gơwèt xã Ea Lê, kơnhoàl tiah nhàr dà lơgar Ea Soup, càr Dak Lak. Tơnơ\ mờ uă nam lơh sàl ơm kis ing, po\ rồ ù lơh sa, rài kis làng bol gam kal ke ngan, den tàng broă drơng gàr ai oh kòn bơsram sră sơlơ kal ke rơlao.

                                  {òn ơm kis tàm Tiểu khu 249, xã Ea Lê, kơnhoàl Ea Soup, càr Dak Lak

Bu\ lah bè hơ\, gơnoar atbồ bal mờ gah mpồl lơh broă geh gơnoar tàm do gam ai cau pơgru tus kờ` bơto sră ală kơnòm dềt in. Nam bơsram do, 2 nă pơgru Trần Thị Nguyệt mờ Đinh Thị Trà Giang, hìu bơsram Mầm non xã Ea Lê geh sồr tus tàm Tiểu khu 249 kờ` bơto 2 ơdu\ mờ 45 nă kơnòm dềt bơh 3 tus 6 sơnam.

Pah ngai, ală cau pơgru do pal lòt di pơgăp 30 kơi sồ gùng koèl kơh, tiă croh dà hơ\ sồng tus mờ ơdu\ bơto. Pơgru Trần Thị Nguyệt yal:

-Trồ tơngai den gam [uơn đao, trồ mìu den lòt rê kal ke ngan. Geh tu\ trồ mìu, 2 nă pơgru tus den să bồ sùh jơh, geh tu\ lòt gùng gơbàn trồ mìu, 2 nă pơgru gơbàn gơchồt tềng rơbàng.

Đơs ngan là tài kơnòm bơsram den tàng he kung tus bơto tơl. Kơnòm bơsram tàm do kung ờ hoan g^t đơs dà yoan; ờ tam wă jơnau đơs den tàng uă tu\ kung kal ke ngan.

Ơdu\ Mầm non geh 2 nă pơgru bơto là hìu lơh mờ mpàn neh klar, geh mò Bàn Thị Diêm, do là 1 nă cau geh đảng tàm Tiểu khu 249 do pà ing bơh uă nam do, tu\ do neh gơbàn ờ kơl jăp tai.

Cau lơh gùng che ồs đèng càr Dak Lak tus pà phan kơnòm bơsram Mầm non tàm Tiểu khu 249 geh pơgru Trần Thị Nguyệt bơto

Pa do, gơnoar atbồ xã neh geh gùng dà lơh 2 jơdu\ bơsram tàm Tiểu khu do, mơya kung gam ờ hềt geh lơh, tài gam kơ\p tàm broă geh làng bol ai is ù.

-Bơta ngăc ngar làng bol ờ uă, den tàng ờ wă. Den tàng, sồr 1 hìu lơi ai is ù den kung ờ geh, tài ù tiah làng bol kung ndrờm blơi lơm. Mờ hìu bơssram ing lài do den tu\ a` tus pà; kung lơh broă mờ Uỷ ban xã là pà ing ờ geh tơngai. Tu\ lơi dà lơgar lơh geh hìu bơsram niam den hơ\ sồng hìu nhă a` ngui wơl ù hơ\.

Tiểu khu 249 là tiah brê bơnơm, lài do jài Công ty TNHH MTV Cư\ Mlanh atbồ. Tài làng bol ntờn tus ơm kis ờ di mờ adăt boh lam, den tàng gơnoar atbồ bal mờ ală gah, mpồl lơh broă geh gơnoar tàm do ờ hềt bơsong broă cih măt hìu nhă, ờ hềt lơh [òn kờ` atbồ, mờ broă lơh gùng lòt kung ờ hềt geh bơcri priă lơh. Bi Bàn Văn Sỉnh, là cau jăk chài mờ geh bơngă pin dờn, dong kờl is UBND xã Ea Lê atbồ bè bơta tàm do pà g^t:

-Tàm do geh di pơgăp 70% khà cau ờ g^t sră. Lài mờ tu\ tus tàm do, tàm đah ne kis tàm tiah sar lơgar ngài den tàng kung ờ geh hìu bơsram sơl. Kis tàm do kung ờ hềt geh anih lơh broă sră nggal sơl kờ` atbồ bè ală [òn ndai. A` kung lam sồr làng bol kis jăt adăt boh lam Dà lơgar, ba` lơh tìs mờ kơrnoăt geh ai. Lam sồr den a` đơs mờ dà kòn cau. Broă do là a` lơh is, ờ geh ală broă dong kờl lơi.

Bơh 20 tus 30 hìu lài ngan, tus tu\ do tàm Tiểu khu 249, gơwèt xã Ea Lê, kơnhoàl Ea Soup, càr Dak Lak neh geh di pơgăp 180 hìu, mờ mờr 1 rơbô nă làng bol ndrờm là kòn cau Mông dê lơm, broă lơh gùng lòt ờ hềt geh bơcri priă lơh, den rài kis làng bol tàm do ờ hềt geh bơta niam kờ` tơnguh bơtàu, mờ broă bơsram sră oh kòn kung pơn jăt tai gơbàn kal ke.

Cau cih mờ yal tơng^t Ndong Brawl