VOV4.K’ho - Drim òr (01/8), UBND [òn dờng Hồ Chí Minh bơyai lơh tơnkah 45 nam ngai crơng gơs broă lơh bal bơh lơgar Việt Nam mờ lơgar Singapore. Bơh tu\ geh crơng gơs broă lơh bal tàm nam 1973, broă lơh bal bơh lơgar Việt Nam mờ lơgar Singapore geh dờng pràn sùm mờ tơnguh bơtàu mhar ngan tàm uă gah broă.

Mìng is tàm [òn dờng Hồ Chí Minh, broă lơh sa là bơta tơngo\ geh pơnrơ ngan tàm broă lơh bal bơh 2 lơgar dê. Lơgar Singapore sùm là lơgar geh bơcri priă uă ngan, lơgar kă bro dờng dơ\ 2 [òn dờng Hồ Chí Minh dê tàm uă nam tơn.

Tu\ do, [òn dờng Hồ Chí Minh geh rơlao 1 rơbô rơndăp broă lơh bơh lơgar Singapơre mờ kờp jơh priă dan rơlao 10 tơmàn 600 tơlăk đôlar Mỹ.

Ală broă lơh bal bè bơto bơtê, tìp bal đơs crih tamya, bơta chài rơgơi, mpồl bơtiàn bơh 2 gah kung geh lơh sùm kờ` tơnguh broă lơh g^t gơ\p, lơh bơyô bal, g^t wă bal, đềt mềr bal bơh làng bol [òn dờng Hồ Chí Minh mờ lơgar Singapore dê.

Cau mblàng Ndong Brawl