VOV4.Kho - Mpồl kuang bàng lơh broă bơh kuang bàng đơng lam càr Dak Nông neh tus còp, pà phan, chờ gờm satềp ală mpồl lơh broă tàm hơ\ geh: Pôs ling sền gàr tiah nhàr dà lơgar Dak Lao, pôs ling sền gàr mpồng nhàr dà lơgar Thuận An, pôs ling sền gàr mpồng nhàr dà lơgar Dak Peur, kơnhoàl Dak Mil mờ pôs ling sền gàr tiah nhàr dà lơgar Dak Song, Pôs ling sền gàr tiah nhàr dà lơgar Dak Tiên, kơnhoàl Dak Song.

Tàm ală anih tus còp, mpồl do neh chờ gờm kuang bàng, cau ling sùm pràn kơl dang, gơboh gơbàn, wa rò nam pa satềp chờ hờp mờ lơh gơs kơnòl geh jào.

Bal mờ broă drơng gàr satềp, mpồl đơng lam ală pôs ling pal rơcang satềp, lam sồr ală kuang bàng, cau ling chờ nam pa, satềp chờ hờp mờ ờ hu^ kơnòl.

Tơl nă kuang bàng, cau ling sùm rơcang tam lơh, rơcang lài tềng đăp mờ ală nùs nhơm ờ niam bơh ală cau pơlơ\ dră, tàm hơ\ uă ngan là di tàm dơ\ lài satềp, tàm satềp mờ tơnơ\ mờ satềp Mậu Tuất 2018.

Thành Đoàn [òn dờng Hồ Chí Minh pơgồp bal mờ Tỉnh Đoàn, Mpồl tam klac ơruh pơnu Việt Nam càr Daklak bơyai lơh Broă lơh “Nùs nhơm tiah nhàr lơgar nam 2018” tàm Hìu bơsram kấp một Y Jút, xã Krông Na, Buôn Đôn.

Broă lơh geh lơh uă broă geh kuơ ngan, bè: còp să, pơndờm pơnđiang mờ jàu pà 20 bơnah priă dong kờl bơsram tơl bơnah là 1 tơlak priă ai ală kơnòm bơsram r[ah sơrlèt gan kal ke in; dong kờl priă lơh gùng lòt tàm [òn 100 tơkak; jàu pà 1 rbô pang sră cih, 400 bơnah phan mờ àu ram ai ală kơnòm dềt geh rài kis kal ke in. Ală cau lơh sơnơm bơh Hìu sơnơm Nhi Đồng 1 [òn dờng Hồ Chí Minh dê kung neh bơyai lơh kham kòp mờ pà sơnơm ờ sa priă ai 200 nă kơnòm dềt tàm do in. Kờp jơh priă tă lơh broă do là mờr 200 tơlak.

Tàm hìu bơsram cấp 3 Nguyễn Du, [òn dờng Bảo Lộc, càr Lâm Đồng, kis priă nùs nhơm dong kờl is Hỷ Liên Tâm [òn dờng Hồ Chí Minh pơgồp bal mờ Mpồl kơnòm bơsram lài do tàm hìu bơsram cấp 3 Bảo Lộc neh bơyai lơh jào pà priă bơsram bal mờ phan satềp ai kơnòm bơsram rơ[ah bơsram jăk tàm [òn dờng Bảo Lộc.

Tàm broă lơh do, mpồl lơh broă nùs nhơm dong kờl is neh jào pà 221 khà priă bơsram mờ 221 bơnah phan ai ală kơnòm bơsram rơ[ah tàm 21 hìu bơsram ală cấp 1, cấp 2 mờ cấp 3 in.

Kờp jơh khà priă geh jào bal mờ phan satềp dơ\ do geh rơlao 200 tơlăk priă.

Chi đoàn Báo Dak Nông pơgồp bal mờ Chi đoàn Hìu sơnơm dờng kơnhoàl Dak Glong, Chi đoàn tiah prăp gàr brê bơnơm geh is Tao Dung bơyai lơh Broă lơh dong kờl is kàl mrềt nam 2017 mờ bồ sơnam pa kàl prang nam 2018 tàm xã Dak Som, kơnhoàl Dak Glong in.

Broă lơh do neh pà 100 nơm àu mpha pa, kờp jơh priă là 20 tơlak; 10 bơnah phan, tơl bơnah là 150 rbô đong, tàm hơ\ geh ală phan pal geh bè: tơngi sa, dà màn, [òk ngòk, banh kèu…ai ală hìu làng bol kòn cau, hìu r[ah; mơkung bơyai lơh kham kòp mờ pà gời ờ sa priă rlau 200 bơta sơnơm ai làng bol tàm tiah do.

                                                  Cau cih mờ yal tơng^t Ndong Brawl – Lơmu K’ Yến