VOV4.K’ho - Tơngai do geh uă làng bol tàm càr Kon Tum gơjra` mờ ờ su\k ơm ngan tài broă kơrian blơi phan lơh gơbàn. Ờ mìng tus mờ hìu kă bro, ală cau kơrian blơi phan do gam pơhìn jơh tus mờ ală làng bol ngai pah ngai gơbàn glar bòl tàm broă lơh sa. Kơrian cồng nha lơh geh bơh cau lơh broă, lơh aniai tus mờ broă lơh sa, ală cau kơrian do gam lơh gơbàn ờ niam tàm rài kis lơngăp lơngai càr do.

Bồ nhai 11 lài do, 17 hìu làng bol kis tàm kơnhoàl Đăk Hà tus tàm tổ dân phố 4, sơnah [òn Ngô May, [òn dờng Kon Tum ơpah ù tam plai màk ni sơna gơbàn kal ke.

Plai màk gam tàm kàl tơnhào, khà priă tàm drà kă bro geh bơh 14 tus 15 rơbô priă tàm 1 k^, mơya ală làng bol kis tàm do mìng geh tăc mờ khà priă bơh 10 tus 11 rơbô priă tàm 1 k^. geh bơta do, geh dùl nă cau tam plai màk dan ờ yal măt pà g^t, là tài ală cau iơh bơsăk kơrian cau blơi mu\t tàm suơn blơi kờ` rồn bơklơn khà priă mờ lơh geh kuơ is:

-Lài ngan den cau ai cau iơh bơsăk tus 2, 3 ngai. Mùl màl là cau lơi den a` kung ờ gơtùi đơs loh. Gam tàm tơngai tơnơ\ mờ hơ\ là cau hòi điện thoại kờ` rồn bơklơn khà priă cau tus blơi, hơ\ là pơhìn ờ ai cau tus blơi. Ờ geh cau lơi khin tus blơi tàm tiah do tai.

Ngòt là bơta tòm bơh dùl nă cau tòm hìu blơi yal wơl bè broă do. Tàm dơ\ tus tàm tổ dân phố 4, sơnah [òn Ngô Mây, [òn dờng Kon Tum kờ` blơi plai màk, mò gơbàn ờ uă klao pơnu xăm tàm să bềng tơn rùp kơrian rơndeh, pah hơ\ sồng ai plai màk to di tềng bồ.

Ờ mìng bè hơ\, geh cau tus blơi plai màk gam gơbàn mpồl cau iơh do tus tơn tềng hìu tăc pơhìn. Gơtìp ală mpồl cau kơrian, ờ gam geh bơta lơi ndai tai, ală cau tus blơi plai màk pal cri bơyai bal. Den tàng, làng bol gơbàn rồn bơklơn khà priă, mờ cau tus blơi den gơjra` mờ ờ g^t lơh bè lơi:

-A` lòt tàm gùng blơi den gơlơh ngòt rơngơ\t ngan tài ală cau do pơhìn. Cau do pơhìn tus tàm tiah do den pờng rơndeh, geh tu\ pơhìn tus tàm tiah tam kờ` lơh aniai. Bè hơ\ den să tòm cau lòt blơi bè a` do, a` gơlơh ngòt rơngơ\t ngan. Uă cau tam hòi điện thoại tus kờ` k^ plai mờ a` ờ kjhin tus k^ plai.

Jăt jơnau kơlôi sơnơng bơh cau tam plai màk dê, tàm dùl lồ ù tam pah nam geh tơnhào di pơggăp 40 tấn plai. Kàl tơnhào tòm, pah ngai làng bol tơnhào geh di pơgăp dùl tấn plai. Mờ broă pal tăc mờ khà priă gơmù tus 5 rơbô priă tàm 1 k^, pah ngai làng bol roh gời 5 tơlăk priă.

Ờ mìng kơrian blơi plai màk, ală mpồl cau iơh bơsăk tàm càr Kon Tum gam kơrian jơh broă blơi kơphe, chi cao su, hìu lơh dà lu\, blơi sơlo bièr tàm ală hìu `ô sa. Tàm ală drà kă bro càr Kon Tum bơyai lơh, hơ\ sồng jơh tàm broă đấu giá ù kung geh cau do tus kơrian sơl.

Broă gơbàn geh bơh ală mpồl cau iơh bơsăk do neh lơh làng bol gơbàn ờ su\k ơm mờ ngòt rơngơ\t ngan. Tàm pơrjum dơ\ 7, HĐND càr Kon Tum khoă 11 lài do, broă kơrian cau blơi phan kung neh geh cri bơyai tàm pơrjum. Mò Y Thu, mpồl kuang bàng kơnhoàl Đăk Hà, lùp kuang atbồ kuang àng càr Kon Tum bè do:

-Tu\ do broă ai càn priă sa priă cồng uă ờ gơmù. Broă kơrian cau blơi phan tàm broă lơh sa suơn sre, lòt lùp dồs ơpah jăt broă lơh iơh bơsăk gam sơlơ ngai sơlơ geh uă. Uă hìu lơh sa tàm hơ\ geh bal hìu lơh dà lu\, blơi sìô siă kung gơbàn cau kơrian lơh gơbàn broă lơh sa gơbàn hoàc huơr, geh tiah lơh sa pal til mpồng. Dan lùp kuang atbồ kuang àng càr geh g^t bơta do tàm càr Kon Tum lah ờ.

Hơ jơnau lùp bơh mò Y Thu mờ kung là jơnau lùp bơh cau te\ khà tàm càr Kon Tum bè broă kơrian cau tus blơi phan do, Đại tá Nguyễn Công Văn, kuang atbồ kuang àng càr Kon Tum pà g^t, tàm càr Kon Tum tu\ do gam geh 13 mpồl mờ rơlao 100 nă cau lơh broă kơrian cau tus blơi phan.

Đah kuang àng neh cih măt mờ pơlam gơnoar atbồ ală tiah in hòi, lùp, bơto bơtê, kơrian ai ală cau do tàm broă atbồ kờ` geh bơta niam ờ do ờ dă tàm [òn lơgar. Mơya, mờ nùs nhơm iơh bơsăk, uă broă lơh aniai den tàng broă ku\p ha là cèng ală cau do yă tềng dăp mờ adăt boh lam là kal ke ngan:

-Broă tam dră kung gơbàn kal ken ngan. Tài ală cau do là ală cau neh geh dơ\ gơbàn ku\p jàm bơh tàm tiah đah tô dà lơgar tus. Den tàng là nùs nhơm ờ niam, broă lơh ờ niam, lơh hơ\ sồng gơbàn geh uă bơta ờ niam ngan. Den tàng tàm broă lùp khào, yă gơbàn uă ngan kal ke.

Tài ờ kơrian geh mpồl cau kơrian cau blơi phan do, bơta lơngăp lơngai ờ do ờ dă tàm mpồl bơtiàn càr Kon Tum tơngai do là ờ niam ngan. Geh uă làng bol lơh broă sa niam kung gơbàn mpồl cau iơh do kơrian lơh aniai, lơh gơbàn ờ su\k ơm mờ ngòt rơngơ\t ngan. Hơ\ sồng tam phà tiah lơh broă bơh ală mpồl tam lơh is, lơh gơbàn geh bơta ờ niam tàm mpồl bơtiàn.

                                        Hìu `ô sa Bar Win Dow tàm gùng Nguyễn Huệ, [òn dờng Kon Tum

Geh pơnrơ ngan bè dơ\ tam lơh bơh bàr mpồl cau iơh bơsăk gơbàn tàm mang ngai 5 nhai 8 lài do tềng hìu `ô sa Bar Win Dow, tàm gùng Nguyễn Huệ, [òn dờng Kon Tum lơh bàr nă cau chơ\t tơn tềng hơ\.

Tềng đap mờ bơta ờ su\k ơm bơh mpồl cau kơrian cau blơi phan tàm càr, kuang đơng lam đah kuang àng càr Kon Tum kung neh đơs geh lơh ngan lơh geh wơl bơta niam, gàr niam ờ do ờ dă bơta lơngăp lơngai chính trị mờ niam ờ do ờ dă tàm mpồl bơtiàn càr Kon Tum dê.

Bal mờ ală broă lơh geh lơh ndrờm bal, mpồl kuang àng càr Kon Tum geh cih măt, tam cah is ală cau iơh do. Di mơ den yă, kơrian tềng đăp làng bol, lơh glài mờ priă. Di lah lơh gơbàn ờ niam ngan den pal bơsong mờ ai yă tềng đăp mờ adăt boh lam. Làng bol càr Kon Tum kơ\p kờ` gơnoar atbồ bal mờ gah, mpồl lơh broă geh gơnoar tàm ală tiah tàm càr Kon Tum pal bơsong mơ broă kơrian cau blơi phan do kờ` làng bol iang nùs tàm broă lơh sa mờ kă bro.

Cau mblàng Ndong Brawl