VOV4.K’ho - Pơn jăt tai ală broă lơh tàm dơ\ lơh broă tus pơrjum cri bơyai dờng khoă 73 pơrjum dờng Liên hợp quốc tàm [òn dờng New York, lơgar Mỹ ngai 27 nhai 9 jăt jơ tàm tiah do dê, Thủ tướng Chính phủ Nguyễn Xuân Phúc neh geh dơ\ tìp bal tềng bơdìh pơrjum.

Tàm dơ\ tìp mờ Chủ tịch Hội đồng Dà lơgar mờ Bộ trưởng lơgar Cuba ồng Miguel Diaz-Canel, ồng Nguyễn Xuân Phúc sồr 2 gah pơn jăt tai tơnguh ală cơ chế lơh broă bal, tam gơl bal broă mờng chài, tơnguh cồng nha ală rơndăp broă tu\ do geh bè kă bro, bơcri priă, lơh sa suơn sre, bơto bơtê, khoa học – công nghệ, sền gàr bơta lơngăp lơngai dà lơgar, mờ chồl pràn broă bơ\t bơtàu ală cơ chế mờ gah lơh broă bal pa.

Cr ibơyai broă mờ Kuang atbồ lơgar Bulgaria Rumen Radev, Thủ tướng Chính phủ Nguyễn Xuân Phúc đơs wơl tai bè ală nùs nhơm niam bơne\ bơh làng bol Việt Nam dê lời ai làng bol Bulgaria in; sồr Bulgaria pơn jat tai hòi jà ală mpồl lơh sa kă bro bơh he dê lòt jòi tu\ tơngai bơcri priă kă bro tàm Việt Nam tàm ală gah broă: năng lượng, nhơm zờu, công nghệ tơlir, công nghệ yal tơngi\t jơnau, sền gàr tiah ơm kis, lơh gơlik phan bơna…mờ kơ\p kờ` Bulgaria dùl nùs bal mờ sồr EU mhar ki\ Hiệp định kă bro khat gơboh đah Việt Nam mờ EU Việt Nam - EU (EVFTA) tàm nam 2018.

Tàm dơ\ tìp mờ mò Kolinda Grabar-Kitarovic, kuang atbồ lơgar Croatia, ồng Nguyễn Xuân Phúc đơs tòm, lơgar Việt Nam tu\ lơi kung ai tơl bơta [uơn kờ` ală anih lơh sa kă bro lơgar Croatia jòi drà kă bro, bơcri priă, lơh sa tàm lơgar Việt Nam, mờ sồr 2 gah tơnguh broă tam gơl mpồl kuang bàng cấp bộ, gah lơh broă dà lơgar, anih lơh sa kă bromờ tìp bal broă kă bro, bơcri priă.

2 gah pal lơh ngan tơnguh khà kă bro 2 đah tus 200 tơlăk đôlar Mỹ tàm 5 nam tus. Kuang atbồ lơgar Croatia ring bal geh chồl pràn broă lơh sa, kă bro bơh 2 lơgar mờ pơn jờng broă 2 lơgar pa geh k^ Hiệp định pleh mờ broă tă dia 2 dơ\ tàm nhai 7 nam 2018 lài do.

Thủ tướng Chính phủ Nguyễn Xuân Phúc neh tìp mat mờ ală kuang bàng Mpồl kuang bàng ala mat Lơh broă sùm lơgar Việt Nam dê tàm Liên hợp quốc, kuang bàng Đại sứ quán Việt Nam tàm Mỹ, mpồl bơtiàn cau Việt Nam, kơnòm bơsram pơnrơ mờ gơ\p bơyô Mỹ tàm New York.

Thủ tướng kơ\p kờ` ală kuang bàng, cau lơh broă bơh Mpồl kuang bàng ala mat mờ Đại sứ quán pơn jat tai lơh jat nùs nhơm rơcang lài, bơceh pa, lơh gơs niam kơnòl broă bơh Đảng, Dà lơgar jàu ai gah lơh broă mờ lơgar ndai in; mơkung pơn jat tai dong kờl, sền gròi, lơh jat di ală jơnau kơ\p kờ` mờ jơnau kờ` dipal bơh làng bol cau Việt Nam tàm lơgar Mỹ dê.

Thủ tướng neh iat kơno uă jơnau yal tơngi\t, jơnau kơ\p kờ` mờ jơnau đơs tă pơgồp bơh mpồl bơtiàn cau Việt Nam dê tàm Mỹ, kuơmàng là cau kơnòm să dê bè gùng dà broă lơh bơtàu tơnguh lơh sa- mpồl bơtiàn bơh dà lơgar dê.

Cau mblàng Lơmu K’ Yến