VOV4.K’ho - Ngai òr (21/9), tàm dơ\ tus còp mờ lơh broă tàm lơgar Slovakia, Phó Thủ tướng Vương Đình Huệ neh cri bơyai mờ Thủ tướng lơgar Slovakia ồng Robert Fico.

Đơs tòm, lơgar Việt Nam sùm sền kuơ mờ tơnguh bơtàu broă lơh bal mờ ală lơgar lơh bơyô ờs mờng, tàm hơ\ geh lơgar Slovakia, ồng Vương Đình Huệ sồr lơgar Slovakia mờ là lơgar geh kơnòl tàm mpồl tam klăc châu Âu geh tus bal niam tàm broă chồl pràn broă lơh bal bơh mpồl tam klăc châu Âu mờ lơgar Việt Nam.

Kung tàm ngai òr (21/9), ồng Vương Đình Huệ neh đơng lam dơ\ Cri bơyai hòi jà bơcri priă lơgar Việt Nam tàm lơgar Slovakia geh lơh tàm càr lơgar Bratislava.  

Phó Thủ tướng mờ ală tập đoàn neh tàm yal tơngi\t bal jơnau bè dùl ròt rơndăp broă lơh geh bơta pràn jak bơcri priă tàm lơgar Việt Nam tàm ală broă lơh công nghiệp công nghệ cao, điện tử, năng lượng lơh geh wơl, lơh broă sa sươn sre jak chài pa mờ công nghệ yal tơngi\t jơnau.

Ồng Vương Đình Huệ đơs ngan, Việt Nam jờng rơ mờ rơcang lơh geh tơl ală bơta [ươn nàng ală mpồl lơh sa kă bro lơgar Slovakia in lơh broă bal, bơcri priă mờ lơh sa kă bro geh cồng nha, kơ\ kơl jăp jo\ jòng gơ jat bal mờ bơta bơtàu tơnguh kơ\ kơl jăp bơh lơgar Việt Nam dê.

Cau cih mờ yal tơng^t Ndong Brawl – Lơmu K’ Yến