Ngai 10/10/2013, Gah chài rgơi, Tàp pràn sa\ ja` mờ Nhơl chờ dà lơgar neh ky\ broa\ lơh “Broa\ lơh prap gàr mhar mo mờ dong kờl, tơngguh broa\ lơh prap gàr, bơtàu tơngguh  bơhìan chài rgơi ala\ kòn cau, sang sơbì bơhìan bơr ngơl gơla tàm  làng bol kòn cau”.

Jơnau kờn bơh rơndăp broă lơh dê là kờn prăp gàr mờ brồ guh ală bơta kuơ chài rơgơi ờs mờng bơh yau niam bơne\ ngan bơh ală jơi bơtiàn kòn cau ờ gal kòn bơnus; ai ală kòn cau ờ huan gal kòn bơnus lik bơh bơta ngai sơlơ gơtìp hi\u roh te\ rài kis chài rơgơi is; dong kờl ală jơi bơtiàn kòn cau tiah làng bol ntrờn ơm kis pa ai ù lơh ală hìu măi pờ tơlik ồs đèng prăp gàr mờ brồ guh chài gơi ờs mờng bơh yau, bơ\t bơtàu rài kis chài rơgơi tàm tiah ơm kis pa.

Bơ\t bơtàu, lơh kơ\ kơl jăp bơtàu tơnguh ală gùng dà broă lơh kơr nuăt boh lam chài rơgơi dipal; lơh pràn srơh bơ\t bơtàu rài kis chài rơgơi, tơnguh jơnhoa khà dờp ngui chài rơgơi tàm ală bòn, tiah làng bol ală kòn cau ờ huan gal kòn bơnus, ală kòn cau tiah ntrờn làng bol…pơgồp bơnah tơn jơh jơgloh tơr mù rbah, bơtàu tơnguh kơ\ kơl jăp.

Sơlơ bơcri tai priă jền bơh dà lơgar dê, lơh pràn mpồl bơtiàn lơh bal ală broă lơh chài rơgơi, hòi jà tă pơgồp bal jơh ală bơta pràn ai broă prăp gàr mờ bơtàu tơnguh chài rơgơi, bơ\t bơtàu rài kis chài rơgơi tiah ală kòn cau ờ huan gal kòn bơnus geh pơhìn ngai sơlơ gơtìp hiu\ roh te\ rài kis chài rơgơi is.

Rơndăp broă lơh kung ai tơlik ală jơnau kờn mùl màl ai tơl tu\ tơngai in, mờ tơl nă cau loh làng kung bè ờ uă kơnòl broă tờm, broă mut lơh, bơnah priă mu\t lơh rơndăp broă lơh.

Broă lơh mu\t lơh rơndăp broă:

Ai jơnau kờn mờ kơnòl broă bơtàu tơnguh chài rơgơi ală kòn cau đơs bal, kuơmàng là chài rơgơi ală kòn cau geh làng bol ờ uă tàm kơr nuăt bơh ală mpồl đơng lam đảng ală kơnă dê, broă rơndăp lơh dà lơgar tàm ală kơnă nàng tơr gùm đơng lam, sồr mu\t lơh.

Lơh pràn ală broă lơh mblàng yal, bơto bơtê, pơgồp bơnah tơnguh jơnhoa jơnau gi\t wa\ bè chài rơgơi mờ kơnòl broă prăp gàr mờ bơtàu tơnguh chài rơgơi ală kòn cau, kuơmàng là ală jơi bơtiàn kòn cau ờ huan gal kòn bơnus.

Bơ\t bơtàu gùng dà broă lơh chài rơgơi, tàm hơ\ geh tơngume ai lài prăp gàr mờ bơtàu tơnguh chài rơgơi ală kòn cau ờ huan gal kòn bơnus; pơn jờng mờ dong kờl tus mờ cau chài prăp gàr mờ geh dà kơlhề bơto yal wơl chài rơgơi ờ di mờ phan bơna…Hòi jà ală mpồl lơh broă mpồl bơtiàn, ală mpồl ờ di gơnoar atbồ lơgar sền gròi, mpồl lơh sa kă bro…bơcri priă, dong kờl ai jơnau kờn prăp gàr mờ bơtàu tơnguh chài rơgơi ală jơi bơtiàn kòn cau ờ huan gal kòn bơnus.

Mu\t lơh gùng dà broă lơh ờ tă mờ tơr mù priă tă bơ srăm ai kơnòm bơ srăm là kòn cau ờ huan gal kòn bơnus jăt bơ srăm ală bơta niam chài ờs mờng bơh yau kòn cau…Bơ\t bơtàu gùng dà broă lơh ai lài bơto mpồl kuăng bàng lơh broă chài rơgơi ai ală cau kòn cau ờ huan gal kòn bơnus in…

Cau mu\t lơh rơndăp broă là:

Ală kòn cau ờ huan gal kòn bơnus: Si La, Ơ Đu, Brâu, Rơ Măm, Pu Péo geh hơđơm 1000 nă cau; Cống, Mảng, Bố Y, Lô Lô, Cờ Lao, Ngái geh hơđơm 5000 nă cau; Lự, Pà Thẻn, Chứt, La Ha, La Hủ geh hơđơm 10000 nă cau; ală kòn cau tiah làng bol ntrờn ơm kis nàng ai ù lơh ală broă lơh hìu măi pờ tơlik ồs đèng.

Tơngai mu\t lơh rơndăp broă là bơh nam 2013 tus nam 2020, tam pà gơs 2 tu\ tơngai: Tơngai dơ\ 1 bơh nam 2013 tus nam 2015; tơngai dơ\ 2 bơh nam 2016 tus nam 2020.

Rơndăp broă lơh prăp gàr mhar mờ dong kờl, sơlơ tơnguh tai pràn jak prăp gàr mờ bơtàu tơnguh chài rơgơi ală kòn cau, săng te\ ală adăt bơhiàn ờ niam tàm tiah làng bol kòn cau gơ wèt rơndăp broă lơh Prăp gàr, bơtàu tơnguh chài rơgơi ală jơi bơtiàn kòn cau Việt Nam tus nam 2020 jăt Kơr nuăt sồ 1270 ki\ ngai 12 nhai 7 nam 2011 bơh Kuang gơs gơnap gơnoar at bồ hờ  đang rlao jơh  dà lơgar dê..

                              Cau mblàng: Lơ Mu K’ Yến